Хҭацәыха змам амшқәа рыбжьара, иааҟәымҵӡакәа аполитикеи, аекономикеи ирызку аиҿыхарақәа ирыхҟьаны, амшын иаҵәеи, ашьхақәеи рыбжьара иҟоу тәыла хәыҷык иқәынхо ауаажәлар, иаарыкәыршаны иҟоу абзиара рхашҭуа иалагеит. Урҭ амш ҿыц, амра аԥхара, ашәҭ аԥытра аигәырӷьара иаҟәыҵит.
Абарҭқәа зегьы, иҽеим алаф рылнахит. Амзарқәа шьақәзыргыло IT- аспециалистцәа егьырҭ зегь реиԥш ашықәс ҿыц шааиуа рхашҭын, амзар агха аларгалеит. Урҭ Ашықәс ҿыц ҟамлартә иҟарҵеит!
Аӡәгьы акгьы изгәаҭаӡомызт, SputnikАԥсны разҿлымҳареи рџьабааи ракәымзар. Аредакциа аҟны аус руеит аҟазара злоу ауаа. Аԥсҭазаара аигәырӷьара уламкәа – арҿиара алшом.
Sputnik акоманда Ашықәс ҿыц аиқәырхара рықәшәеит: Аҵаа Бабаду ицхраареи, ауаа аныҳәа ргәаларшәареи. Избан акәзар, иарбан аамҭа иагьа ицәгьазаргьы, ауаа еснагь аныҳәа рҭахуп! Ҽаанбзиала, Аԥсны!
1/12
© Астамур Квициния
Ашықәс ҿыц ауха Аҵаа Бабаду атәыла хәыҷы аҿы инхоз рахь амҩа дықәлеит. Ашықәс аҩныҵаҟа иара имбацызт, убри азын дыццакуан, бзиа иибо аныҳәа рыдиныҳәаларц азы. Аха, Кавказтәи ашьхақәа данырхыԥраауаз Аҵаа Бабаду дзықәтәаз атранспорт ԥхасҭахеит, асы зқәаҳәҳәы иҟаз ахәы аҿы дынхеит. Избан ас изыҟалаз? Избан инашанатәыз итранспорт ахаангьы иԥхасҭамхацыз ас захьыз, уи Аҵаа Бабаду изеилкаауамызт.
2/12
© Фото : Асҭамыр Кәыҵниа
Убри аамҭазы аинформациатә маҵзура Sputnik Аԥсны аредакциаҿы аусура аилашра иаҿуп. Апресс-маӡаныҟәгаҩ Анна ашықәсҿыцазтәи апроект аҟаҵара даҿуп. Ашәаҳәара, акәашара, иреиӷьу атәылаҿы артистцәа рықәгылара, Sputnik иреиӷьу ақәгыларақәа. Ихадоу ашҭаҿы аԥхьарақәа - зегьы, аныҳәа ду аҟаҵарази ашықәсҿыцазтәи агәалаҟазаара аԥҵарази иҟалҵаша даара ирацәоуп. Аха убри аамҭазы апрдиусер Амина амзар аҿы агха лбоит. Ԥхынҷкәын 31 ашьҭахь ԥхынҷкәын 32 цон. Ашықәс ҿыц ҟалаӡом. Атәылаҿы аӡәгьы издырӡом ашықәс ҿыцда ишынхаз.
3/12
© Астамур Квициния
Аус инапы алеикит аитишник Лаша. Уи еиликааит агха зыхҟьаз асистемеи, амзари рышьақәҟьара шракәу. Аразработчикацәа ирхашҭит Ашықәс ҿыц шааиуа, убри аҟнытә, уи асистема иаларымҵаӡеит. Уамашәа иубаратәы иҟам, атәыла хәыҷы аҟны ауаа русурақәа иахьырхамшәало азы, урҭ ирхашҭит агәырӷьара захьӡу. Иза иазгәалҭоит, атәыла асааҭ хада аныҟәара ишаҟәыҵыз. Sputnik Аԥсны аредакциаҟны еилыркааит, ари аҭагылазаашьа аԥсахра шаҭаху. Избан акәзар, сааҭқәак рышьҭахь ԥхынҷкәын 32 ҟалоит. Усҟан, атәыла хәыҷы ауааԥсыра, ныҳәада иаанхоит.
4/12
© Астамур Квициния
Sputnik аиҳабацәа Инали, Димеи, Аминеи аплан еиҿыркаауеит Ашықәс ҿыц аиқәырхаразы. Аҵаа Бабаду арыцҳара дахьақәшәаз азы ицхраатәуп, асистема аҟны иҟалаз аиԥҟьара риашатәуп, иара убас, аԥсаӡ аҩычара аҭахуп, убасгьы атәыла ахада иажәахә анҵара.
5/12
© Астамур Квициния
Роберти, Дукеи, Томаси злоу аҭыхратә гәыԥ иаарласны ицеит Аҵаа Бабаду иԥшаара.
6/12
© Астамур Квициния
Уи аамҭазы, абильд-редактор Илона илгәалашәеит лрежиссертә усура. Уи акорреспондент Бадреи лареи аҭакԥхықәра зцу даҽа дҵак нарыгӡоит. Урҭ атәыла ахада ажәлар рахь идныҳәалара анырҵоит, Ашықәс ҿыц ааира минуҭқәак шагу атәыла хәыҷы иқәынхо ауаа идырбахо. Ҳәарада, Sputnikаа аныҳәа аиқәырхара рылшар.
7/12
© Астамур Квициния
Леони ,Наалеи, Анжеликеи, Викториеи атәыла аԥсаӡ хада аҩычара иалагеит. Ари аус аҿы ихадоуп арҿиаратә знеишьа. Аԥшӡара унапала аҟаҵара, иагьыцәгьоуп, акыргьы уаланахалоит. Ус, Саид ишиашоу ицо аефир ахь дцәырҵуеит, атәыла хәыҷы аҿы инхо зегьы иргәалаиршәарц азы Ашықәс ҿыц шааигәахо. Уи азы иҟалаз агха риашаны, аныҳәа аԥылара аҭахуп.
8/12
© Астамур Квициния
Иааиԥмырҟьаӡакәа имҩаԥысуа ахҭысқәеи, апаникеи, астрессқәеи раамҭазы, ауаа ирылшеит аныҳәа аигәырӷьара. Иулеи Алинеи рҽазыҟарҵоит рыԥсҭазаараҿы ихадоу ахҭыс, урҭ зынӡа агәкажьха рымам.
9/12
© Астамур Квициния
2016 шықәсанӡа секундқәак нхеит, аха атәылаҿы ихадоу асааҭқәа уажәыгьы аус руӡом! Аамҭа иҵегь хәыҷык цар – Ашықәс ҿыц ԥхынҷкәын 32 рзы иҟалоит. Аредактор хада Димеи, агентра Sputnik аиҳабы Инали секундқәак анаанхалак ирылшоит асааҭ аус арура.
10/12
© Астамур Квициния
Абар, уажәшьҭа еиқәдырхаз Аҵаа Бабаду даауеит аҳамҭақәа зҭоу ааҵәа ду иманы. Урҭ аҳамҭақәа амшын иаҵәеи, ашьхақәеи рыбжьара ишьҭоу атәыла аҟны инхо ахәыҷқәа ирызкуп.
11/12
© Фото : Асҭамыр Кәыҵниа
Уи аамҭазы, акорреспондент Аста, аныҳәа шеиқәырхоу иазку ажәабжь асаит аҟны искьыԥхьуеит ҳәа даҿуп. Аха иҟалаз агха иахҟьаны, ахәыҷқәа зегь зызԥшу ари ажәабжь ауаа рҟынӡа анагара алнаршом. Аха Галина илыбзоураны аҭагылазаашьа арҽеира алшоит.
12/12
© Астамур Квициния
Асааҭқәеи, амзари шәахәаԥш! Иахәаԥшит – зегь бзиоума? Ус акәзар ишәыдсныҳәалоит 2016-тәи ашықәс! Sputnik акоманда ихәыҷу, аха адунеи аҟны зегь реиҳа иԥшӡоу атәыла ауааԥсыра аныҳәа шәыдаҳныҳәалоит, ишәзеиӷьаҳшьоит еснагь агәалаҟазаара бзиа, аԥсҭазаара аигәырӷьара шәцәымӡааит!
.
.
