Аҳҭнықалақь анапхгара машьынала аныҟәара аанкылахарц аҳәара ҟарҵоит

© Sputnik / Томас ТхайцукСухум во время снегопада. Проспект "Аиааира"
Сухум во время снегопада. Проспект Аиааира - Sputnik Аҧсны
Анапаҵаҩра
НовостиTelegram
Иҟоу аҳауатә ҭагылазаашьақәа инарыдҳәаланы, акоммуналтә маҵзурақәа махәҿеилҳәала аусура иаҿуп, иалшоит ауаажәларратә транспорт аусура аиԥҟьара.

АҞӘА, ажьырныҳәа 3 — Sputnik, Асҭанда Арӡынԥҳа. Иҟоу аҳауатә ҭагылазаашьақәа инарыдҳәаланы акоммуналтә маҵзурақәа махәҿеилҳәала аусура иаҿуп, иалшоит ауаажәларратә транспорт аусура аиԥҟьара аҭыԥ аиур лҳәоит ҳкорреспондент длыҿцәажәо Аҟәа Ахадара Акоммуналтә усбарҭа аиҳабы Елена Атиопина.

Лара лажәақәа рыла, иалыршоуп ақалақь агәы инаркны Аҳабла ҿыц ахь ицо амҩа арыцқьара. Уаҟа уажәы ауаажәларратә транспорт аус ауеит. Акоммуналтә маҵзуреи, АҶА аусзуҩцәеи Аԥсныавтомҩа аусзуҩцәеи ақалақь амҩадуқәа ррыцқьара иаҿуп.

"Арӡынба имҩаҟны асы иканажьит аҵла ду. Уи уажәазы амҩа ианаҳххьеит. Раԥхьа иргыланы иаҳрыцқьо ауаажәларратә транспорт ахьныҟәо амҩақәа роуп. Атроллеибусқәа макьана изныҟәом, автобусқәа роуп амҩақәа ирнаҳҵо",- лҳәоит Атиопина.

Лара лажәақәа рыла, асы зрыцқьо атехника ақалақь иамам.

"Иҟоу аҭагылазаашьа иаҳнарҵо рацәоуп. Иҷыдоу атехникагьы ааҳхәароуп. Аҵаа ҟалар — аԥслымӡ ықәҳаԥсоит. Ус шакәугьы, ауааԥсыра ҳрыҳәоит аламала амҩақәа ирнымлаларц. Аныҟәара шәарҭаны иҟоуп", — лҳәоит лара.

Ажәабжьқәа зегьы
0