Ҳаџьымба инапы аҵеиҩит Аполитбжьагаратә хеилак аԥҵаразы Адҵа

© Sputnik / Томас ТхайцукАминистрцәа реилазаара.
Аминистрцәа реилазаара. - Sputnik Аҧсны
Анапаҵаҩра
НовостиTelegram
Аԥсны Ахада аԥшьаша, ажьырныҳәа 15 рзы инапы аҵеиҩит Аполитбжьагаратә хеилак аԥҵаразы Адҵа.

АҞӘА, ажьырныҳәа 16 – Sputnik. Аҳәынҭқарратә мчрақәеи ауаажәларратә еидгылақәеи аполитикатә партиақәеи еиҳа хра аманы реинырразы Аԥсны Ахада Рауль Ҳаџьымба аԥшьаша, ажьырныҳәа 15 рзы инапы аҵеиҩит Аполитбжьагаратә хеилак аԥҵаразы Адҵа, ҳәа аанацҳауеит атәыла Ахада иофициалтә саит.

2015 шықәса жьҭаарамза анҵәамҭазы ауаажәларра рхаҭарнакцәа рԥылараан Рауль Ҳаџьымба ажәалагала ҟаиҵеит Аҳәынҭқарратә мчрақәеи ауаажәларратә еидгылақәеи аполитикатә партиақәеи еиҳа хра аманы реинырразы Аполитбжьагаратә хеилак аԥҵазааит ҳәа.

"Сара исарҳәеит аопозициатә мчрақәа аусура ишазыхиоу, амала Ҳаџьымба ида. Сара аҳәынҭқарра сахадоуп, сара исуалуп аполитикатәи ауаажәларратәи мчрақәа зегьы аус рыцзуларц. Оумашәа избоит — аус сыцура шԥарҭахым. Сара исҭахуп аус рыцзуларц, срацәажәаларц. Аҳәатәгьы рацәаны исымоуп", — иҳәеит аиԥылараан Ҳаџьымба.

Иара убасгьы иазгәеиҭеит атәыла анапхгара акритика ишацәымшәо, ииашоу шрыдыркыло. Аполитикатә еиндаҭлара ухнахны зегь реиҳа ихадоу ухоумыршҭлароуп, ҳәа азгәеиҭеит иара.

Ҳаџьымба иполитикатә оппонентцәа зегьы ааԥхьара риҭеит аҭакԥхықәра рымазарц. Иазгәеиҭеит амчрақәа аполитикатәи ауаажәларратәи еидгылақәа аус рыцура ишазыхиоу.

Ажәабжьқәа зегьы
0