АҞӘА, ажьырныҳәа 21 — Sputnik, Саид Барганџьиа. 2016 шықәса ажьырныҳәа 25 инаркны мшаԥымза 15 рҟынӡа афымца аамҭа-аамҭала идырцәалоит, иҳәеит "Амшынеиқәафымцамч" адиректор хада Аслан Басариа.
Аслан Басариа иазгәеиҭеит афымцарцәара аграфик "Амшынеиқәафымцамч" асаит аҟны ишубарҭо.
Иара иажәақәа рыла иааидкыланы уахыки-ҽнаки рыла ԥшь-сааҭк афымца дырцәоит.
"Уахынла – 2 сааҭк, ҽынла – 2 сааҭк", иҳәеит Басариа.
Галтәи араион, Тҟәарчалтәи араион иара убас Гәдоуҭатәи араион мраҭашәаратәи ахәҭа, Пицунда, Алаҳаӡы 00:00 — 02:00, 14:00 — 16:00;
Аҟәа ацентри Гагра араиони 02:00 — 04:00, 10:00 — 12:00;
Очамчыратәи, Гәылрыԥшьтәи, Аҟәатәи араионқәа, Аҟәа мрагыларатәии мраҭашәаратәии ахәҭақәа, Афон ҿыц, Гәдоуҭатәи араион мрагыларатәи ахәҭа 04:00 — 06:00, 12:00 — 14:00.
Иара иазгәеиҭеит аӡын Игры ГЕС аҟны аӡы шмаҷу, убри ишахҟьо иҟоу аҭагылазаашьа.
Басариа иаҳзеиҭеиҳәеит 2015 шықәса аԥхынразы аӡы 17 метра ишылаҟәыз.
Иара убасгьы иазгәеиҭеит иарбоу аграфик акраамҭа аус шадыруылоз, агәыӷрагьы шимоу ауааԥсыра рзы иманшәалахап ҳәа.
