Аҭмаа: воркаут – хәыда-ԥсадатәи спортуп

© Sputnik / Рамиль Ситдиков / Амедиаҵәахырҭахь аиасраВладивосток.
Владивосток. - Sputnik Аҧсны
Анапаҵаҩра
НовостиTelegram
Аҟәа ақалақь Ахадара аҿари аспорти рызҵаарақәа рзы аилак ахантәаҩы Џьон Аҭмаа атурниктә комплексқәа (воркаут) рышьақәыргылара апроект даҳзалацәажәеит.

АҞӘА, ажьырныҳәа 29 — Sputnik, Бадраҟ Аҩӡба. Аҟәа ақалақь Ахадара аҿари аспорти рызҵаарақәа рзы аилак ахантәаҩы Џьон Аҭмаа атурниктә комплексқәа (воркаут) рышьақәыргылара апроекти урҭ ауаа ргәабзиаразы ирылоу ахырҳагареи даҳзалацәажәеит.

"Акомплекс атурникқәеи, ашвед ҭӡқәеи, ақьырсҭахҵәахақәеи рыла еибаркуп. Арҭ атренажиорқәа рҟны иааиԥмырҟьакәа убаҩ урҵәлар угәабзиаразы акыр ихәарҭахоит", — иҳәеит иара.

Воркаут акыр иманшәалоуп аԥара ахҭынҵаны аспорттә залқәа рахь анеира злымшо рзы, ҳәа иазиԥхьаӡоит Аҭмаа.

ААСА Апрезидент: автоспорт аҿиара ихадоу ҳусдҵоуп

Аҭмаа иазгәеиҭеит апроект анагӡара аамҭақәа рылацәажәара макьаназ ишзаацәоу.

"Зегь зыдҳәалоу аамҭа-аамҭалатәи аԥаразоужьра ашьақәгылашьоуп", — иҳәоит иара.

Аҟәа ақалақь Ахадара аҿари аспорти рызҵаарақәа рзы аилак ахантәаҩы Џьон Аҭмаа иажәақәа рыла асеиԥш иҟоу аспорттә плошьчадкақәа Синопи Ажәытә ҳаблеи рҟынгьы рыргылара гәҭакны иҟоуп. Аԥаразоужьра маншәаланы имҩаԥысыр урҭ иҵегьы инеиҳаны еиуеиԥшым аҭыԥқәа рҟны иргылахоит.

"Акомплексқәа ахьышьақәыргыло аҭыԥқәа рҟны ауаа еиҳарак шьыжьи хәылбыҽхеи инеиуеит. Ирацәаны азыҳәақәа ҳзаарышьҭхьеит ақалақь егьырҭ араионқәагьы ҳамҽхаҳкырц", — иҳәеит Аҭәмаа.

Воркаут акомплексқәа шьақәыргылоуп Араион ҿыц аҟни Адиоскурцәа рыԥшаҳәаҟни.

Воркаут (Workout) –ари спорт хкуп, адәныҟатәи агимнастика ҳәа иушьар ауеит. Иарахьы иаҵанакуеит атурникқәеи, ашвед ҭӡқәеи, ақьырсҭахҵәахақәеи, амардуанқәеи егьырҭ еиуеиԥшым аконструкциақәеи.

Ажәабжьқәа зегьы
0