АҞӘА, жәабран 2 — Sputnik. АУН "Амшынеиқәафымцамч" излаанацҳауа ала, 2016 шықәса жәабран 2 инаркны мшаԥымза 15 рҟынӡа афымца аамҭа-аамҭала арцәара аграфик ԥсахуп. Абри атәы арбоуп "Амшынеиқәафымцамч" аофициалтә саит аҟны.
Иааидкыланы уахыки-ҽнаки рыла ԥшь-сааҭк афымца дырцәоит, аԥсахра ҿыцқәа инарықәыршәаны Аҟәа ақалақь агәи Гагра араион аҟни афымца дырцәалоит 14:00 инаркны 16:00 сааҭ рҟынӡа.
Галтәи араион, Тҟәарчалтәи араион иара убас Гәдоуҭатәи араион, Пицунда, Алаҳаӡы 00:00 — 02:00, 10:00 — 12:00;
Аҟәа ацентри Гагра араиони 02:00 — 04:00, 14:00 — 16:00;
Очамчыратәи, Гәылрыԥшьтәи, Аҟәатәи араионқәа, Аҟәа мрагыларатәии мраҭашәаратәии ахәҭақәа, Афон ҿыц, Гәдоуҭатәи араион мрагыларатәи ахәҭа 04:00 — 06:00, 12:00 — 14:00.
Аамҭа-аамҭала афымцалашара арцәара алагалоуп ажьырныҳәа 25 инаркны, аӡын Игры ГЕС аҟны аӡы амаҷра иахҟьаны.
