АҞӘА, жәабран 4, Sputnik. Урыстәыла Афедералтә шәахтә маҵзура Аԥсны алнахит уаанӡатәи ашәахтә азы аинформациа ахьамоуаз атәылақәа рсиаҟынтәи.
Ирҿыцу асиа кьыԥхьуп Урыстәыла анорматив-зинтә проектқәа рфедералтә портал аҟны.
Асиа азырхан урыстәылатәи абизнесуаа ашәахтә органқәа рахь атәымтәылатә еилакқәа ишрылахәу азы адырра ҟарҵаларци рхашәалақәа рҟынтәи ашәахтәқәа ршәаларци азы ирыдкылоу "антиафшортә" закәан аилырккаразы.
Арахь иаҵанакуан атәылақәеи аҵакырадгьылқәеи зганахьала Урыстәыла иамамыз аиқәшаҳаҭрақәа аинформациа аимдаразы, иҟазаргьы атәыла иаиуаз азыҳәақәа зегьы рҭакқәа ахьыҟанамҵоз, аинформациа аимдарагьы аус ахьамуаз.
Аԥснеиԥш ари асиа уаанӡа иаҵанакуан Аахыҵ Уаԥстәыла, Австриа, Британиа ду, Швеицариа, Израиль, Ливан.
