Гагратәи аӡеизакырҭа аиҭашьақәыргылара иаҿуп

© Фото : МЧС РААӡхыҵра.
Аӡхыҵра. - Sputnik Аҧсны
Анапаҵаҩра
Аҳәынҭқарратә ргыларатә фирма "Гаграстроигранит" адиректор хада Нодар Хәарцкьиа иаҳзеиҭеиҳәеит Гагратәи аӡеизакырҭаҟны аиҭашьақәыргыларатә усурақәа шымҩаԥысуа.

АҞӘА, жәабран 11 — Sputnik, Саид Барганџьиа. Аҳәынҭқарратә ргыларатә фирма "Гаграстроигранит" адиректор хада Нодар Хәарцкьиа иаҳзеиҭеиҳәеит Гагратәи аӡеизакырҭаҟны аиҭашьақәыргыларатә усурақәа шымҩаԥысуа.

Иара иажәақәа рыла аремонт иазоужьуп 6 миллионк мааҭ аԥара.

"Аха арахь иаҵаркӡам аӡеизакырҭахь узланеиуа амҩа аремонт ахәԥса. 40 шықәса раԥхьа иҟарҵаз амҩа иахьазы зынӡа ахархәара алшомызт. Ҳара уи еиҭашьақәҳаргылеит. Иара ахәԥса иартәеит 500 000 мааҭ рҟынӡа аԥара", — иҳәеит Хәарцкьиа.

Аӡеизакырҭа афундамент рхиоуп. Аҭыӡқәа анышьҭырхлак ашьҭахь аӡеизакырҭа аҭыӡқәа ирыҵагыло арӷәӷәагақәа аҭахуп.

"Аҭыӡқәа рыда арӷәӷәара зҭахны ҳәа иҟоу акгьы ыҟам", — иҳәоит адиректор.

Иара иажәақәа рыла аусурақәа ирылагеит жәабран 5 рзы, мызкы иалагӡаны ихдыркәшараны иҟоуп.

Ажәабжьқәа зегьы
0