Ԥиԥиа: анхарҭаҭыԥқәа рыҭира аполитика алхлатәым

© Sputnik Томас ТхайцукЕиҭамҵуца амал.
Еиҭамҵуца амал. - Sputnik Аҧсны
Анапаҵаҩра
Yandex newsTelegram
Аусеицура Жәларбжьаратәи афонд ахантәаҩы Вахтанг Ԥиԥиа игәаанагара иҳәеит атәымтәылауаа анхарҭаҭыԥқәа раархәаразы.

АҞӘА, жәабран 12 — Sputnik, Бадраҟ Аҩӡба. Аусеицура Жәларбжьаратәи афонд, Аԥсны иҟоу урыстәылатәи абизнес адгыларатә центр "Аидгылара", азакәанԥҵара аҿиареи азинтәи аекономикатәи ҭҵаареи Рцентр аԥшьаша, жәабран 11 рзы аиқәшаҳаҭра анапаҵаҩра иазкыз аиԥылараан иҳәеит анхарҭаҭыԥқәа рыҭира азҵаара аполитика алхлатәым ҳәа.

"Анхарҭаҭыԥқәа рыҭира азҵаара аполитикатә ҟазшьа аҭара аҭахым, иара ззырхоу аинвестициақәа ареспублика радыԥхьалароуп", — иҳәеит Аусеицура Жәларбжьаратәи афонд ахантәаҩы Вахтанг Ԥиԥиа.

Иара игәаанагарала анхарҭаҭыԥқәа рыҭира азҵаара апатриотизмра адҳәалара иашам.

Еиҭамҵуа амазара. - Sputnik Аҧсны
Чрыгба: еиҭамҵуа амазара атәымтәылауаа раархәара азҵаара ҳазхәыцуеит

"Сара ахаангьы сазааҭгылом еиҳа ипатриоту еиҳа ипатриотым ҳәа азҵаара. Сара иазысыԥхьаӡоит аҭира иадгылоугьы иадымгылоугьы, атәыла аҿиара зҭаху зегьы патриотцәоуп ҳәа", — иҳәеит Ԥиԥиа.

Иара убри аан иара иазиԥхьаӡоит Апарламент ахь инеиз азакәан аусадулара аҭахны иҟоуп ҳәа.

"Сара сгәаанагарала аграждантә кодекси егьырҭ азакәанԥҵаратә актқәеи рҟны иаԥҵатәуп ахьчаратә механизмқәа, ҳаԥхьаҟа еиҭамҵуа амазарақәа рыҭира акоррупциатә схемахь иаҵанамкырц азы", — иҳәеит иара.

Вахтанг Ԥиԥиа иазиԥхьаӡоит Анхарҭаҭыԥқәа рыҭира азҵаара аполитикатә ҟазшьа аҭара аҭахым, иара ззырхоу аинвестициақәа ареспублика радыԥхьалароуп ҳәа.

Иара убри аамҭазы иара инаҵшьны иазгәеиҭоит аахәара азин рымазароуп ҳәа, Аԥсны ахьыԥшымра азхазҵаз атәылақәа ртәылауаа.

Ажәабжьқәа зегьы
0