АҞӘА, хәажәкыра 16 — Sputnik. 2016 шықәса нҵәаанӡа Аԥсны иҟоу Аладатәи арратә округ иахьаҵанакуа иҟоу аинфраструктура иалагалахоит 30 обиект ҿыц. Абри атәы аанацҳауеит Аладатәи арратә округ Апресс-маҵзура.
Арратә қалақь аҟны иргылоуп ахылаԥшра-аушьҭырҭатә пункт, аҷаԥшьаратә хыбра, акинеологиатә қалақь маҷ, аматериалтәи атехникатәи еиқәыршәарақәа рыҵәахырҭа.
Иара убри адагьы ласы ихдыркәшараны иҟоуп аспорттә комплекс, анапылампылтәи абаскетболтәи плошьчадкақәа, атлетика ласы азы астадион, ашьапылампыл маҷ ахәмарырҭақәа, напышьашәалатәи ақәԥаразы аплошьчадкақәа, ҳәа аҳәоит аацҳамҭаҟны.
Ашықәс нҵәаанӡа иазыԥхьагәаҭоуп 300 рҟынӡа уада змоу анхарҭатә комплекс аррамаҵзурауаа рҭаацәарақәа рзы. Иара убасгьы ара иргылахоит 200 ҭыԥ змоу ашколи 150 ҭыԥ змоу ахәыҷбаҳчеи, аҳәоит Апресс-маҵзура адырраҟны.
Инаҵшьны иазгәаҭоуп аобиектқәа зегьы ҳаамҭазтәи атехнологиақәа ирықәшәо иргылахоит ҳәа.
