ИАР атәылақәа Ринститут евразиатәи аитеграциеи ШОС аҿиареи рыҟәша аиҳабы Владимир Евсеев иазгәеиҭеит авизақәа ралагалара ауадаҩрақәа ахылҵыргьы узыцәшәаша акгьы шыҟам.
"Ареспублика ашьақәгылара иаҿуп. Урыстәылаа рзы авизақәа ахьалагалам еилкаауп, избанзхар Аԥсны атәылауаа реиҳараҩык Урыстәылагьы иатәылауааны иҟоуп. Никарагуеи, тувалуи, Аахыҵ Уаԥстәылеи рзы авизақәа ахьалагаламгьы еилкаауп – урҭ иҟарҵаз азхаҵара ҭабуп ахҳәаароуп", — иҳәеит Евсеев.
Аексперт иажәақәа рыла Ҭырқәтәыла атәылауаа авизақәа роулар ахьакәу ауадаҩрақәа аԥнаҵоит Аԥсни Ҭырқәтәылеи рыбжьара атауареикәыршаразы.
Аха, авизақәа ралагалара атурист бизнес ааха анамҭароуп, избанзар 90% аԥсшьаҩцәа Урыстәылатәқәа роуп. Азербеџьани Ермантәылеи ртәылауаа еиҳарак Аҷара алырхуеит.
Атуризм проблеман иамоу авизақәа ракәӡам – зхаҭабзиара ҳараку амаҵзурақәа рыҟамзаароуп, — иҳәоит аексперт.
Аԥсны Аҳәынҭқарра азакәан "Аԥсны Аҳәынҭқарра алалареи алҵреи рзы аԥҟарақәа" инақәыршәаны 2016 шықәса мшаԥымза 1 инаркны иалагалахоит авизатә режим. Арахь иаҵаркхом Урыстәыла, Никарагуа, Тувалу, Аахыҵ Уаԥстәыла.
