АҞӘА, мшаҧы 7, Sputnik. Жәлар Реизара-Апарламент аилатәара аҿы “Административтә зинеилагарақәа рзы Аҧсны Аҳәынҭқарра Акодекс арҽеирақәа ралагалара азы” Азакәан апроект иалацәажәеит.
Зҽеилахны, мамзаргьы аӡҭалага маҭәа мацара зышәҵаны ауаажәларратә ҭыҧқәа рҿы ицәырҵуа ауаа, еиҵаӡоу ауалафахәқәа хәба рҟынӡа инаӡо ахараҧса ишәар акәхоит, аҩынтә раан – уи 10-15 рҟынӡа еиҳахоит, иҳәеит Адепутат Ҭемыр Гәлиа азакәан апроект адгалара мҩаҧго.
Убри аан, Жәлар Реизара-Апарламент аҿы Аҳәынҭқарра Ахада ихаҭарнак Дмитри Шамба, "Азакәан апроект амзызкра ақәшаҳаҭра шыҟоугьы, иҟоу аҭагылазаашьа арҽеиразы даҽа методқәак алхызаргьы ҟалоит", – ҳәа азгәеиҭеит.
“Аинформациа амҩаԥгара, ахымҩаҧгаратә ҧҟарақәа зну амҩақәҵагақәа рыларҵәара, аилыркааратә цәажәарақәа рымҩаҧгара, уҳәа еиҳа аус рыдулалатәуп" – иҳәеит Шамба.
Апрокурор Хада Алексеи Ломиа, ахараҧсатә усмҩаҧгатәқәа азинхьчаратә усбарҭақәа рҿы акоррупциатә уснагӡатәқәа реиҿкааразы даҽа ҿыҵганы иҟалар алшоит ҳәа ацәшәара ааирҧшит.
