АҞӘА, мшаԥымза 11 – Sputnik. Ирыдыркылаз азакәан азинхьчаратә органқәа русура аруадаҩуеит иҳәеит Аԥсны ААИ (ГАИ) аиҳабы Нугзар Шьоууа.
Иара иазгәеиҭеит иахьатәи аамҭазы Аԥсны ишыҟам иҷыдо амыругақәа асаркьеиқәара ахышәа-ҵышәа шьақәзыргыло. Иара аҳәара ҟаиҵоит атәыла анапхгарахь аԥхьатәи асаркьаҭасақәа рыреиқәара азин ҟарымҵарц.
Аԥсны Аҩныҵҟатәи аусқәа рминистр Леонид Ӡаԥшьба ААИ (ГАИ) аиҳабы диқәшаҳаҭуп.
"Ҳара амашьына аԥсҟы зку даабозароуп", — иҳәеит Ӡаԥшьба.
Жәлар Реизара-Апарламент аилатәараҿы “Административтә зинеилагарақәа рзы Аҧсны Аҳәынҭқарра Акодекс арҽеирақәа ралагалара азы” азакәан апроект рыдыркылеит ахаша, мшаԥымза 6 рзы аҵыхәтәантәи аԥхьарала.
Иарбоу азакәан апроект аҿы автомашьына асаркьа ареиқәара абас еиҧш апараметрқәа шьақәырҕәҕәоуп: иреиқәоу асаркьақәа рхархәаразы азин ыҟоуп (аныҷҷалара зылшо асаркьақәа аламҵаӡакәа) азы алашаранашьҭра 75% еиҵамзароуп, егьырҭ иреиуоу асаркьақәа рзы – 35%. Аҧшацәыхьчаратә аҧхьатәи асаркьа иахьаҵанакуа ишьақәгылахо ареиқәаратә цәаҳәақәа ршәагаа 10 сантиметр еиҳамзароуп.
Азакәан амчра аиуеит атәыла Ахада инапы анаҵеиҩлак ашьҭахь.
