Апарламентқәа рыбжьара аиқәшаҳаҭра анапы аҵаҩуп

© AFP 2022 / MIKHAIL MORDASOVАахыҵ Уаԥстәыла. Архивтә фото.
Аахыҵ Уаԥстәыла. Архивтә фото. - Sputnik Аҧсны
Анапаҵаҩра
НовостиTelegram
Мшаԥымза жәаба рзы Аахыҵ Уаԥстәыла имҩаԥысит Апарламент ашьаҭаркра аиубилеи иазку аныҳәатә уснагӡатәқәа. Абри арыцхә иазырхан Аԥсни аахыҵ Уаԥстәылеи Рпарламентқәа рыбжьара аусеицуразы аиқәшаҳаҭра анапаҵаҩра.

АҞӘА, мшаԥымза 11 – Sputnik. Мшаԥымза жәаба рзы Аахыҵ Уаԥстәыла имҩаԥысит Апарламент ашьаҭаркра аиубилеи иазку аныҳәатә уснагӡатәқәа. Абри арыцхә иазырхан Аԥсни аахыҵ Уаԥстәылеи Рпарламентқәа рыбжьара аусеицуразы аиқәшаҳаҭра анапаҵаҩра. Иара убасгьы анапы аҵаҩын аусеицуразы Амеморандум Донецктәи ареспубликеи Лугансктәи ареспубликеи рзинԥҵаратә органқәеи Аахыҵ Уаԥстәыла Апарламенти.

Аахыҵ Уаԥстәыла Апарламент иазгәанаҭоит ашьаҭаркра 25-шықәса ахыҵра. Арахь иааиит Урыстәылеи, Аԥсни, Донецктәи ареспубликеи, Лугансктәи ареспубликеи, Ашьха Ҟарабахтәи ареспубликеи рделегациақәа.

"Аԥсни Аахыҵ Уаԥстәылеи реизыҟазаашьақәа қәҿиарала аҿиара рымоуп. Аиқәшаҳаҭра азакәан ҵаҵӷәы анаҭоит ҳаизыҟазаашьақәа", — иҳәеит Аахыҵ Уаԥстәыла Апарламент аиҳабы Анатоли Бибилов.

Аԥсуа Парламент аиҳабы Валери Бганба иҳәеит Апарламентқәа рыҩбагь русура аиԥшызаарақәа шамоу, аиқәшаҳаҭра уи аизҳатәра ишацхраауа.

Анатоли Бибилов Донецктәи Ареспублика аделегациахь ихы нарханы иҳәеит:

"Ҳара ҳаизыҟазаашьақәа аофициалтә ҩаӡара рыманы аусура иалагеит Донецк ахьыԥшымра аназхаҵаха ашьҭахь. Шәара шәҟны ԥхьаҟатәи шәԥеиԥш азы ақәԥара цоит. Ауаа рфырхаҵара аҳаҭыр умбар алшом".

Лугансктәи Ареспубликеи Аахыҵ Уаԥстәылеи рнапы зҵарҩыз Амеморандум аизыҟазаашьақәа рыҿиараҿы раԥхьатәи шьаҿаны иҟоуп.

"Ҳаинырра аизҳара ҳекономикатә ҿиарагьы ацхыраара анаҭараны иҟоуп", — иҳәеит Бибилов.

Ажәабжьқәа зегьы
0