АҞӘА, мшаԥымза 12 – Sputnik, Роберт Џьапуа. Аҳҭнықалақь Ахадара амчала ирыцқьоуп адгьыл аҵаҟатәи амҩахыҵырҭақәа фба. Абри атәы ҳалҳәеит "Аҟәа ақалақь акоммуналтә усбарҭа" аиҳабы Елена Атепина.
"ДРСУ аусуҩцәа ЗО рҟынӡа адҳаԥхьалеит ҳусурақәа. Аиҳарак иуадаҩын ажәеизатәи ашкол аԥхьа иҟоу адгьылҵсырҭа. Жәеиза ҵсырҭа рҟынтәи фба ҳрыцқьеит. Иаанхаз аремонт зҭаху роуп", — лҳәеит лара.
Атепина лажәақәа рыла ақалақь ашколхәыҷқәа рхы рыладырхәит ауснагӡатәқәа.
"Ашколхәыҷқәа ршколқәа иахьрыҵаркуаз аҭыԥқәа дрыцқьеит. Ҳара атехника раҳҭеит", — лҳәеит Атепина.
Лара убасгьы илҳәеит иааиуа ахәашазы "Маиак" ахь ахаҵәирҭаҟны амшын ахь узлалбаауа амҩақәа абӷанҷ ықәрыԥсараны ишыҟоу. Аԥшаҳәаҟны атәарҭақәа дыргылараны ишыҟоу.
Акурорттә сезон аҽазыҟаҵара аҳәаақәа ирҭагӡаны ақалақь анаплакқәа ауснагӡатәқәа рыҽрыладырхәралоуп.
