Аԥсуаа "Имԥсуа аполк" иалахәхоит

© Фотохост-агентство / Амедиаҵәахырҭахь аиасра"Имԥсуа аполк" амҩасра.
Имԥсуа аполк амҩасра. - Sputnik Аҧсны
Анапаҵаҩра
НовостиTelegram
Аԥснынтәи 200-300-ҩык рҟынӡа алахәхоит "Имԥсуа аполк" амҩасра, иҳәеит аидеиа аԥшьгаҩ, Москватәи аԥсуа диаспора ахантәаҩ ихаҭыԥуаҩ Руслан Ҳагба.

АҞӘА, мшаԥымза 12 — Sputnik, Наала Аҩӡыԥҳа. Аԥснынтәи 200-300-ҩык рҟынӡа Москватәи аԥсуа диаспора ахаҭарнакцәа алахәхоит "Имԥсуа аполк" лаҵарамза 9 рзы Москва имҩаԥнаго амҩасра иҳәеит аидеиа аԥшьгаҩ, Москватәи аԥсуа диаспора ахантәаҩ ихаҭыԥуаҩ Руслан Ҳагба.

"Ҵыԥх апарад ҳахәаԥшуан. Сыҷкәын дсазҵааит: "Избан сабду исахьа ҳаманы ҳаргьы ҳзымҩамсыз" ҳәа. Иагьыҳаӡбеит сынтәа амҩасра ҳхы алаҳархәырц", — еиҭеиҳәоит Ҳагба.

Иҩызцәагьы иаԥшьгара иадгылеит.

"Ари абиԥарақәа иреимадароуп. Саншьа Сталинград амҵан дҭахеит. Еибашьуаз зегьы аԥсҭазаара рҭахын. Иҟан Ашҭа ҟаԥшь иааиҩык иаҳасабала ақәсра иазхәыцуаз. Уажәы иҟоуп алшара урҭ ргәалашәара ара амҩангара. Дара зхьымӡаз анагӡара", — иҳәеит Ҳагба.

Ҵыԥхгьы аԥсуаа акциа иалахәын, лҳәеит адиаспора ахаҭарнак Есма Ҳагԥҳа.

"Ҷыдала еиҿкаамызт. Ус, изҭахыз, згәы аҳәоз неиуан. Сынтәа иҳаӡбеит аҽакала ари азҵаара ҳазнеирц. Аԥсын хәыҷы алагала ду ҟанаҵеит аиааиразы. 55000-ҩык рҟынӡа еибашьуан, 22-ҩыџьа ҩык Асовет Еидгыла Афырхаҵа ҳәа ахьӡ ду рыхҵахеит. Иҟоуп зҳамҭақәа зҟынӡа имнеицгьы", — лҳәеит лара.

Аиҿкааҩцәа агәаанагара рымоуп аԥснынтәи 200-300-ҩык рҟынӡа алахәхоит "Имԥсуа аполк" амҩасра ҳәа.

Ажәабжьқәа зегьы
0