АҞӘА, мшаԥымза 15- Sputnik, Саид Барганџьиа. Аҩаша, мшаԥымза 19 рзы Москва, амузыка Аҩны аҟны иқәгылоит Аԥснытәи аҳәынҭқарратә хортә копелла асолотә концерт ала, ҳәа ҳалҳәеит акопелла амузыкатә напхгаҩы, адирижиор хада Нора Џьынџьалԥҳа.
"Арепертуар акыр ибеиоуп. Раԥхьа иргыланы аԥсуа доуҳатә музыкоуп, ажәытә ашәақәа роуп инаҳагӡо. Арепертуар аҟны иара убасгьы иҟоуп адунеитә классика амузыкатә рҿиамҭақәа", — лҳәеит лара.
Нора Џьынџьалԥҳа иазгәалҭеит амузыка Аҩны аҟны ақәгылара ишалнаршо аԥсуа хортә шәанагӡара аӡыргара.
Аԥснытәи аҳәынҭқарратә хортә копелла аԥҵан 1969 шықәса рзы, акомпозитор Алықьса Чычба иаԥшьгарала. Еиуеиԥшым аамҭақәа рзы иара ианапхгаҩцәан: Ражьден Гәымба, Алықьса Чычба, Вадим Судаков, Виачеслав Аиба, Нодар Ҷанба.
Иахьа иара напхгара алҭоит Аԥсны жәлар рартистка Нора Џьынџьалԥҳа.
