Аԥсни Ҟрыми аусеицуразы аиқәшаҳаҭра рнапы аҵарҩит

© Sputnik Томас ТхайцукАԥсны Аԥыза-министр Артур Амқәаб.
Аԥсны Аԥыза-министр Артур Амқәаб. - Sputnik Аҧсны
Анапаҵаҩра
НовостиTelegram
Аԥсни Ҟрыми рыбжьара ахәаахәҭра-економикатәи, анаука-техникатәи усеицуразы Аиқәшаҳаҭра ирыбжьарҵаз ареспубликақәа рыҩбагь реизыҟазаашьа арманшәалоит.

АҞӘА, мшаԥымза 15– Sputnik, Астанда Арӡынԥҳа. Аԥсни Ҟрыми рыбжьара ахәаахәҭра-економикатәи, анаука-техникатәи усеицуразы Аиқәшаҳаҭра анапы аҵаҩуп ахәаша, мшаԥымза 15 рзы, Иалтатәи жәларбжьаратәи аекономикатә форум аҳәаақәа ирҭагӡаны.

Аиқәшаҳаҭра рнапы аҵарҩит Аԥсны Аԥыза-министр Артур Амқәаби ареспублика Ҟрым ахада Сергеи Аксионови.

Артур Амқәаб иажәақәа рыла Аԥсны иазыԥхьагәанаҭоит аинерттә материалқәа Ҟрымҟа рынашьҭра, аус аднаулоит акурорттәи ақыҭанхамҩатәи усхкқәа рҟны апроектқәа. Иара убасгьы иазгәеиҭеит ареспубликақәа рыбжьара астудентцәа реимдара.

Аиқәшаҳаҭра анапаҵаҩра ашьҭахь Артур Амқәаб Аксионов ҳамҭас ииҭеит аԥсуа хҭырԥа, аҭакс иара ирҭеит Ҟрым аҭыԥ ԥшӡарақәа зныԥшуа альбом.

Медведев Аԥсни Ҟрыми рыбжьара аиқәшаҳаҭрақәа бзиоуп ҳәа рхиҳәааит

Уи адагьы Аԥсни Ҟрыми Рекономикатә министррақәа аусеицразы Аиқәшаҳаҭра рнапы аҵарҩит, ақалақьқәа Гагреи Иалтеи рыбжьара агәҭакқәа рзы Аԥкаанҵа анапы аҵаҩуп.

Иалтатәи жәларбжьаратәи аекономикатә форум мҩаԥысуеит мшаԥымза 14-16 рзы, Иалта ақалақь аҟны.

Афорум иатема хаданы иҟалоит ареспублика аинвестициатәи аинновациатәи ԥеиԥш, аинвестициатә проектқәа рӡыргара.

Афорум апрограмма иазыԥхьагәанаҭоит аилатәара амҩаԥгара, иҷыдоу аусхкқәа рсекциақәа русура. Аилатәара иаанарԥшуеит Ҟрым ԥхьаҟатәи аекономикатәи аинвестициатәи ԥеиԥш актуалтә темақәа.

Аусутә программа ауснагӡатәқәа рзырхахоит анаплакра аҿиареи адгылареи рԥышәақәа, аинвестициатә климат аиӷьтәра, жәларбжьаратәи аусеицура, урыстәылатәи аекономика аконкуренттәлшара.

Ажәабжьқәа зегьы
0