АҞӘА, мшаԥымза 20 — Sputnik, Саид Барганџьиа. Аҩаша имҩаԥысуаз Аминистрцәа Реилазаараҟны еицҿакрыла далырхит Аԥсны аҭагылазаашьа ҷыдақәа рминистр ихаҭыԥуаҩыс Гурам Ԥсардиа.
Гурам Ԥсардиа диит 1954шықәса рзы Тҟәарчал. 1975 шықәса рзы Харковтәи амцарцәара-техникатә ҵараиурҭа далгеит. 1986 шықәса рзы Аԥснытәи аҳәынҭқарратә университет далгеит. Аус иуан амцарцәаратә усбарҭаҟны.
2008 шықәса инаркны Аԥсны аҭагылазаашьа ҷыдақәа рзы Аусбарҭа аиҳабы ихаҭыԥуаҩыс дыҟан.
Иусура бзиазы изныкымкәа аҳамҭақәа ианашьоуп. Ианашьоуп "Қәҿиарала амаҵуразы" амедал.
