АҞӘА, мшаԥымза 27 – Sputnik, Наала Аҩӡыԥҳа. Бахреин анаплакуаа Аԥсныҟа иаараны иҟоуп ҭагалан иҳәеит Аԥсны Ахәаахәҭра-Ааглыхратә палатаҟны имҩаԥысуаз апресс-конференциаҟны Аԥсны Ахәаахәҭра-Ааглыхратә палата Апрезидент ихаҭыԥуаҩ Адгәыр Лышәба. Аԥснытәи абизнесуаҩ Витали Тарнаа иҳәеит Бахреинтәи анаплакуааи Аԥснытәи абизнесуааи аинырра рыбжьаҵара амҩа иқәуижьҭеи ҩбаҟа шықәса шыҵуа.
"Ҩышықәса ирықәуп дареи ҳареи аиҭанеиааира ҳабжьоижьҭеи. Нанҳәамзазы уахь сцаны сыҟан. Хаҭалатәи аиныррақәа рышьақәыргылара сҭахын аха еилыскааит аизыҟазаашьа мариақәа араҟа ишырҭыԥмыз, атәыла анапхгара рыхәҭак акәзаргьы ралахәра шаҭахыз. Уи ашьҭахь Бахреин аиҳабырагьы абизнес адырра анаҭеит ҳара аус ҳацура шалшо азы", — иҳәеит Тарнаа.
Иара убасгьы иазгәеиҭеит шықәсыбжак аԥхьа Бахреин дшыҟаз усҟантәи Аԥыза-министр Беслан Быҭәба. Убасҟан ауп раԥхьатәи аиныррақәаҵәҟьа анышьақәгылазгьы.
Бахреин анаплакуаа Аԥсныҟа иаараны иҟоуп ҭагалан, иҳәеит Аԥсны Ахәаахәҭра-Ааглыхратә палатаҟны имҩаԥысуаз апресс-конференциаҟны Аԥсны Ахәаахәҭра-Ааглыхратә палата Апрезидент ихаҭыԥуаҩ Адгәыр Лышәба.
Аԥсуа делегациа Манама иалацәажәеит Аԥсны Ахәаахәҭра-Ааглыхратә палатеи Бахреин Ахәаахәҭра-ааглыхратә палатеи, акралра анапхгареи русеицура алшара азҵаара.
