Аԥснытәи ахәыҷқәа рцәеижь аиод агуп

© Sputnik / Томас ТхайцукАрхивтә фото.
Архивтә фото. - Sputnik Аҧсны
Анапаҵаҩра
НовостиTelegram
Аҟәа ақалақьи Аҟәа араиони рҳақьым хада Алла Белиаева Sputnik иазеиҭалҳәеит Аԥсны Агәабзиарахьчара аминистрреи ИУНИСЕФи рыҭҵаарақәа рылкаақәа ртәы.

АҞӘА, лаҵарамза 5 – Sputnik, Бадраҟ Аҩӡба. Аҟәа ақалақьи Аҟәа араиони рҳақьым хада Алла Белиаева Sputnik иазеиҭалҳәеит Аԥсны Агәабзиарахьчара аминистрреи ИУНИСЕФи рыҭҵаарақәа рылкаақәа ртәы. Урҭ алкаақәа инарықәыршәаны Аԥснытәи ахәыҷқәа рцәеижь иалоу аиод 30 % заҵәык роуп анорма аҟынтәи.

"Хәыҷқәак рҟны ари аҟазшьарбагагьы еиҵоуп. Асеиԥш иҟоу алкаақәа зауз Аԥсны Агәабзиарахьчара аминистрреи ИУНИСЕФи иазыԥхьагәарҭеит еиуеиԥшым ауснагӡатәқәа", — лҳәеит Белиаева.

Алла Белиаева илҳәеит ЗО-ҩык ахәыҷқәа ргәабзиара шыҭҵааз. Урҭ рҟынтәи аӡәызаҵәыкгьы иҭагылазаашьа анорма иақәшәо иҟамызт.

Белиаева лажәақәа рыла Аԥсны Агәабзиарахьчара аминистрра ааԥхьарала лаҵарамза агәҭазы Аԥсныҟа иаараны иҟоуп Агәабзиарахьчаразы адунеизегьтәи аиҿкаара аҟынтәи азанааҭуаа.

Аҟәа ақалақьи Аҟәа араиони рҳақьым хада лажәақәа рыла дасу илшоит аиод азымхара ахарҭәаара.

"Иаабац аџьыкхыш амшынџьыкала иԥсахтәуп", — лҳәеит лара.

"Амшын ааигәара ҳанхоит, аиод ҳазхоит ҳәа иаҳҳәо мифуп", ҳәа азгәалҭеит лара.

Аԥсны Агәабзиарахьчара аминистрреи ИУНИСЕФи рыҭҵаарақәа мҩаԥган 2015 шықәса рзы.

Ажәабжьқәа зегьы
0