АҞӘА, лаҵарамза 11 – Sputnik. Амедиогәыԥ "Россиа сегодниа" Аспорттә жәабыжьқәа рмаҵзура "Р-Спорт" аусура иаланаргоит апроект ҷыда. Апроект азкуп Франциа рашәарамзазы иаатраны иҟоу ашьапылампыл азы Европа ачемпионат. Атурнир ажәабжьқәа, аексклиузив хҳәааҟаҵарақәа, акорреспондентцәа ррепортажқәа иара убасгьы афотосахьақәа асаит http://euro2016.rsport.ru/ аҟны рбара алшоит.
Ачемпионат мҩаԥысраны иҟоуп рашәарамза жәаба инаркны ԥхынгәы жәаба рҟынӡа. Урыстәылаа атурнир агәыԥтә етап аан ирԥылараны иҟоуп Англиа, Словакиа, Уельс ркомандақәа. Урыстәылатәи акоманда иазку ажәабыжьқәа зегьы аблок ҷыда рзаԥҵахоит.
"Апроект ҷыда "Р-Спорт" азхьаԥшра анаҭоит лымкаала. Акорреспондентцәа ԥышьҩык аҭыԥ аҟны аус рулоит, ҩыџьа акоманда ирыцҟазаауеит. Абри ашьҭахь имҩаԥысраны иҟоуп Аолимпиатә хәмаррақәа Рио, нас Канада — ахоккеи азы адунеи Акубок" ҳәа еиҭеиҳәоит "Р-Спорт" аредактор хада Васили Конов.
"Р-Спорт" аспорт жәабыжьқәа рмаҵзурақәа ируакуп. Иара амедиагәыԥ "Россиа сегодниа" аилазаара иалахәуп.
Жәларбжьаратәи Аинформациатә маҵзура "Россия сегодня" — жәларбжьаратә медиагәыԥуп. Адунеи аҟны имҩаԥысуа ахҭысқәа зегьы инарҭбааны, оперативла, ишәаны-изаны иазнеины иаанарԥшуеит. Иарахьы иаҵанакуеит: РИА Новости, Р-Спорт, РИА Недвижимость, РИА Рейтинг, ИноСМИ. Амаҵзура иара убасгьы аԥыжәара амоуп урыстәылатәи асоциалтә ҳақәеи аблогқәеи рҟны аиҭаҳәарала.
