Иреиӷьу "амафиозцәа" алырхуеит

© Фото : PixabayМаска
Маска - Sputnik Аҧсны
Анапаҵаҩра
НовостиTelegram
Аҟәа имҩаԥысраны иҟоуп "Амафиазы" ареспубликатә чемпионат.

АҞӘА, лаҵарамза 17 — Sputnik, Владимир Бегунов. Аԥсны аҳҭнықалақь аҟәа имҩаԥысраны иҟоуп "Амафиазы" ареспубликатә чемпионат. Абри атәы ҳзеиҭарҳәеит атурнир аиҿкааҩцәа.

Ачемпионат аиҿкааҩцәа, аҿартә уаажәларратә патриоттә еиҿкаара "Аԥсны-ҿа", ражәақәа рыла ҩынтәуп ареспубликаҟны имҩаԥысуеижьҭеи. Ахәмарра аихшьаалақәа рыла иалххоит иреиӷьуи иреицәоуи ахәмарыҩцәа. Иаиааиз ироуеит агәаларшәагатә сувенирқәа, иаҵахаз — аҵахеит.

Ахәмаррахь иҽаниҵар илшоит дарбанызаалак изҭаху.

"Акомандақәа ԥшьбаны еихшахоит. Иарбанызаалак ахәмарра аихшьаала ала ажиури иалырхуеит иреиӷьу ахәмарыҩцәа ҩыџьа-ҩыџьа. Урҭ рыла еиҿыркаауеит афинал аҟны ихәмаруа акоманда".

Ҵыԥхтәи ахәмаррақәа раан аиааира игеит иахьазы екскурсиамҩаԥгаҩыс иҟоу, занааҭла иекономисту Арсоу Аҟәысба.

"Ҵыԥх ҩынҩажәихәҩык рҟынӡа ҳахәмаруан. Афиналбжақәа хԥа ыҟан. Сара акомиссар ироль сыхәмаруан", — иҳәеит иара.

Ачемпионат ԥшьымш ицалоит.

"Амафиа" ихәыцит МГУ аԥсихологиатә факультет астудент Дмитри Давыдов 1986 шықәса рзы. Ахәмарыҩцәа амацақәа рырҭоит. Аиқәаҵәақәа зауа "амафиоз клан" иаҵанакуеит, егьырҭ – "аҭынч уааԥсыра". Иҟоуп еиҭах аҳақьыми акомиссаригьы. Ахәмарра шоит "амш аҵх" ҳәа. Уахынла алахәылацәа рыблақәа адыркуеит, амафиа ааԥшны, напышьашәала ишьтәу илацәажәоит. Аншоу – зегь ааԥшуеит, амафиозцәа алыркаауеит. Аҭынч уааԥсыра ацәгьоуҩ дыԥшааны дыршьуеит. Иршьыз астол даахыҵны имаца дирбоит. Ахәмарра бзиа ирбоит ҳәа рыӡбахә рҳәоит Деми Мури Филипп Киркорови.

Ажәабжьқәа зегьы
0