АҞӘА, лаҵарамза 19 мая — Sputnik. Авиоеилахәыра Egyptair иатәу апассаџьыртә ҳаирплан MS804 ареис Париж-Кипр, амшын иалаҳаит ҳәа адырра ҟанаҵеит ателеканал "Маиадин".
Египет аграждантә авиациа аминистрра адырра ҟанаҵеит аҳаирплани адиспетчерцәеи реимадара ыӡит иара 10 мильк рҟынӡа амҩа ианахысхьаз аамҭазы, египеттәи аҳауатә ҵакыраҟны.
Аилахәыра EgyptAir аоперативтә штаб еиҿнакааит. Уахь иалагалоуп авиациатә маҵзурақәа рхаҭарнакцәа.
