АҞӘА, лаҵҵарамза 25 – Sputnik. Иракли Хынҭәба Аурыс драматә театр адиректорс дҟаҵоуп, ҳәа аанацҳауеит Акультура аминистрра аофициалтә саит аҟны.
Аҩаша, лаҵарамза 24 рзы адиректор ҿыц аколлектив ддырдырын.
Акультура амминистр Ельвира Арсалиаԥҳа лажәақәа рыла имҩаԥгоу аус иалнаршоит Аурыс драматә театр еиԥш Аԥсны атеатртә ԥсҭазаара зегьы аиҭакра ҳәа агәыӷра ыҟоуп.
Иракли Хынҭәба атәыла Ахада Иусбарҭаҟны иусура иациҵоит ҳәа азгәаҭоуп асаит аҟны.
Иракли Хынҭәба иҳаиҳәеит Аҳәынҭқарратә аурыс драматә театр аусура аиҭеиҿкаара аконцепциа хианы иҟоуп ҳәа.
Аурыс драматә театр Аԥсны акультуратә ҵакыраҟны ахәҭа дуны иаланагалозароуп, ҳәа азиԥхьаӡоит Хынҭәба. Иара игәаанагарала адиректор иҿаԥхьа иқәгылоу адҵақәа иреиуоуп аколлектив аидкылара, аусура агәазыҟаҵара азура, арҿиаразы аҭагылазаашьақәа раԥҵара.
