ConIFA ачемпионат ахь иаауеит 120-ҩык аҳәаанырцәтәи ажурналистцәа

© Sputnik / Илона ХварцкияАпресс-конференциа, ашьапылампыл азы ConIFA ачемпионат аҽазырхиара иазкыз.
Апресс-конференциа, ашьапылампыл азы ConIFA ачемпионат аҽазырхиара иазкыз. - Sputnik Аҧсны
Анапаҵаҩра
НовостиTelegram
Амультимедиатә центра Sputnik Аԥсны аҟны имҩаԥысит апресс-конференциа, ашьапылампыл азы ConIFA ачемпионат аҽазырхиара иазкны.

АҞӘА, лаҵарамза 25 – Sputnik, Бадраҟ Аҩӡба. ConIFA ачемпионат ахь иаауеит 120-ҩык аҳәаанырцәтәи ажурналистцәа иҳәеит Дмитри Паӷәаа Амультимедиатә центра Sputnik Аԥсны аҟны имҩаԥысыз апресс-конференциаҟны, ахаша, лаҵарамза 25.

"Ачемпионат иалахәхо акомандақәа зегьы Аԥсныҟа иаахьеит. Аиҿкааратә усқәа зегьы ахыркәшарахь инеихьеит", — иҳәеит иара.

Аҳәаанырцәтәи ажурналистцәа аккредитациа рыҭахоит Адәныҟатәи аусқәа рминистрра аконсултә ҟәша асаит аҟны.

"Аҭыԥантәи ажурналистцәа аккредитациа иахысыр рылшоит ConIFA асаит аҟны", —иҳәеит Паӷәаа.

Иара иажәақәа рыла ажурналистцәа аккредитациатә картақәа роур рылшоит атурнир аартра амш аҽны, астадион аҭаларҭаҟны.

ConIFA ачемпионат аартра мҩаԥысуеит 2016 шықәса лаҵарамза 28 рзы, Аҟәатәи астадион "Динамо" аҟны.

Ажәабжьқәа зегьы
0