1:0 ҳәа Пенџьабтәи акоманда Лапландиа иаиааит

© Sputnik / Саида Жьиԥҳа1:0 ҳәа Пенџьабтәи акоманда Лапландиа иаиааит
1:0 ҳәа Пенџьабтәи акоманда Лапландиа иаиааит - Sputnik Аҧсны
Анапаҵаҩра
НовостиTelegram
Пенџьабтәи ашьапылампыл асыҩцәа 1:0 ҳәа Лапландиаа ираԥыргеит.

АҞӘА, лаҵара 30 — Sputnik, Саида Жьиԥҳа. Иахьа лаҵара 30 рзы, Даур Ахвледиани ихьӡ зху Гагратәи астадион аҟны, 15 сааҭ рзы имҩаԥысит Пенџьаби Лапландиеи ршьапылампылтә командақәа реиԥылара.

Ахәмарра актәи аихшараан Пенџьабтәи ашьапылампыл асыҩ Лапландиаа рымба ампыл ҭаиршәит.

6:0 ҳәа Паданиаа Рециатәи ахәмарыҩцәа ираԥыргеит - Sputnik Аҧсны
6:0 ҳәа Паданиаа Рециатәи ахәмарыҩцәа ираԥыргеит

Ус 1:0 ҳәа актәи аихшара хырқәшахеит. Ахәмарра аҩбатәи аихшараан Лапландиатәи аспортсменцәа акырӡа рҽазыршәеит аҭактәи ампыл аҭаршәра, аха ирықәымҿиеит.

Апресс-конференциаҟны Лапландиатәи акоманда азыҟаҵаҩ Мортен Педерсен ишазгәеиҭаз ала, раԥхьатәи аихшараҿы ампыл анроурыжь, ашьапылампыл асцәа ргәы каҳаит, убри иахҟьаны рҽырзеидымкылеит.

"Иацы ҳара қәҿиарала Сомалилендаа ҳариааит, аха иахьа аманшәалара ҳганаҿы иҟамызт", — иҳәеит Педерсен.

Лапландиатәи акоманда ргәы шьҭырхырц азы, Гагратәи ажурналистцәа, ҩаԥхьа сасра иаарыԥхьеит Санта Клаус дрыцны.

Аиааира згаз Пенџьабтәи акоманда ашьапылампыл асцәа ракәзар, рылҵшәа акырӡа ргәы шьҭнахит, аха уеизгьы иазгәарҭеит, изцыхәмаруаз Лапландиатәи акоманда азыҟаҵара бзиа шрымоу.

"Иахьатәи ахәмарраҿы, ҳара иҳақәҿиеит, уи аҿы анырра ҟарҵеит ҳәа сгәы иаанагоит иҳадгыларц имҩахыҵыз аҭыԥантәи ашьапылампыл абзиабаҩцәа. Дара иҳазҿырҭуаз ажәа ԥхақәа, аиааирахь агәазыҳәара ҳарҭон", — инаҵшьны иазгәеиҭеит Пенџьабтәи акоманда акаԥдан Амарвир Сандхв.

Апресс-конференциа иалахәыз, Пенџьабтәи акоманда аԥцаҩы Харприт Син агәахәара ду ааирԥшит икоманда адунеитә чемпионат алахәра алшара ахьрыму, еиҳараӡак Аԥсны имҩаԥысуа.

Аилацәажәара иалагӡаны, аҳәаанырцәтәи аспортсменцәа иазгәарҭеит, Аԥснытәи еизгоу акоманда иацтәи алҵшәагьы. Дара еицҿакны ирҳәеит, аԥсуа шьапылампыл асцәа аԥеиԥш бзиа шырзыԥшу.

Ажәабжьқәа зегьы
0