Sputnik, Анжелика Бениаԥҳа
"Аԥсуа" кореец ҳара даабеит Аҟәатәи астадион "Динамо" аҟны, иҩызцәеи иареи ахәмарра рҽаназыҟарҵоз.
Аԥсны ахьӡ Шьоҭеи ажәла Аибеи змоу шырацәаҩу заҳаз, акорееццәа еизгоу ркоманда алахәыла Шьоҭа Аиба аччара далагеит.
"Сгәы иалоуп сахьаԥсыуам, аха сыхьӡи сыжәлеи аԥсуа хьӡи ажәлеи иахьрықәшәо сеигәырӷьоит. Уаанӡа Аԥсни аԥсуааи рыӡбахә смаҳацызт. Аамҭак шаасоуз Аԥсны аҭоурых аҭҵаара салагоит", — иҳәеит иара.
Иара ақалақь Тагава дынхоит.
"Ҳақалақь аҟны Аиба зыжәлоу маҷуп", — иҳәеит иара.
Ҳара ҳаицәажәонаҵы арахь дааиит Аԥсны ОМОН аиҳабы ихаҭыԥуаҩ Сурам Аиба.
Сурам Аиба иҳәеит дшеигәырӷьаз Иапониатәи акомандаҟны "аԥсуа" хәмарыҩ дахьибаз.
"Ахәмарра ашьҭахь сашьцәа дыдсырдырроуп. Иҟалап џьмак ашьра ҳақәшәаргьы", — иҳәеит Сурам.
