АҞӘА, рашәарамза 2 – Sputnik. Аинформациатә маҵзуреи арадиои Sputnik афотокорреспондент Валери Мельников аиааира игеит жәларбжьаратәи аконкурс Bourse du Talent аҟны, афотосериа "Под землей" (Underground) азы. Ари асериа еиҭанаҳәоит Донбасс ицо аибашьраан еилаԥыххаау ауааԥсыра рынхашьа. Аиааира ицеиҩишеит афранцыз фотоҭыхыҩ Винсент Гурайоу (Vincent Gouriou) афотоусумҭа "Семьи" (Des Famille(s)) азы.
"Сара даара сеигәырӷьоит сфотосериа "Под землей" ахә ҳаракны иахьыршьаз. Уаҟа сара иаасырԥшуан изықәкны ихысуаз Донбасстәи аҩнқәа рподвалқәа рҟны зҽызҵәахуаз аҭынч уааԥсыра", — иҳәеит Валери Мельников.
Sputnik афотокорреспондент Валери Мельников еиуеиԥшым жәларбжьаратәи аҳамҭақәа ианашьоуп. Урҭ иреиуоуп: Pictures of the Year International 2016, Sony WAP 2015, Days Japan International Photo Journalism Award 2015, China International Press Photo Contest 2013,2014 и 2015, Vilnius Photo Circle 2015, Professional Photographer of the Year 2014, KOLGA TBILISI PHOTO 2015, Серебряная камера-2013.
Sputnik Images – жәларбжьаратәи аинформациатә маҵзуреи арадио Sputnik иафотобанкуп, иҵәахырҭоуп.
Sputnik (sputniknews.com) — жәларбжьаратәи аинформациатә маҵзуреи арадиои атәылақәа жәпакы рҟны амультимедиатәи аинформациатәи хабқәа амоуп. Sputnik ашҟа иаҵанакуеит асаитқәа, арадиодырраҭарақәа, амобилтә хархәагақәа, иара убас, асоциалтә каҭақәа рҟны адаҟьақәа. Анапаҵаҩцәа рзы Sputnik, англыз, араб, аиспан, акитаи бызшәақәа рыла иҭыҵуеит.
Sputnik асаитқәа аԥхьаҩ идыргалоит: авидео, аинфографика, афоторепортаж, онлаин-ефирқәа, аинтернет-бжьыҭира. Аоперативтә жәабыжьқәа рыдагьы Sputnik иакьыԥхьуеит аналитикатә материалқәа, аексклиузив интервиуқәа.
