Кәарцхьиа: агәра гара ҳаман аиааира шаҳгоз

© Sputnik / Илона ХварцкияАинформациатә маҵзура Sputnik Аԥсны апресс центр аҟны имҩаԥган апресс конференциа
Аинформациатә маҵзура Sputnik Аԥсны апресс центр аҟны имҩаԥган апресс конференциа - Sputnik Аҧсны
Анапаҵаҩра
НовостиTelegram
Аинформациатә маҵзура Sputnik Аԥсны апресс центр аҟны имҩаԥган апресс конференциа

АҞӘА, рашәарамза 7- Sputnik, Рада Ажьиԥҳа. Аинформациатә маҵзура Sputnik Аԥсны апресс центр аҟны имҩаԥган ConIFA ашьапылампыл асразы ачемпионцәа аԥснытәи еизгоу акоманда азыҟаҵаҩ хада Џьума Кәарцхьиа, аԥснытәи команда акапитан Анри Ҳагәышь, Аԥсны ашьапылампыл асразs афедерациа аиҳабы Беслан Џьынџьал алархәны апресс конференциа.

"Аинформациатә маҵзура "СпутSputnikник Аԥсны" ачемпионат цонаҵы еиуеиԥшым аформатқәа рыла ачемпионат ахҳәаа ҟанаҵон. Иахьа, апресс центр ахь ааԥхьара раҳҭеит ашьапылампыл асразы адунеи ачемпионцәа  рхаҭарнакцәа ачемпионат аихшьаала аҟаҵаразы", — ҳәа лҳәеит "Спутник Аԥсны" апресс маӡаныҟәгаҩ Анна Гамсаниаԥҳа.

Аԥснытәи еизгоу акоманда азыҟаҵаҩ хада Џьума Кәарцхьиа иажәақәа рыла, ачемпионат алагамҭазы акоманда ахаҭарнакцәа афинал аҟынӡа анаӡара ҳалшароуп ҳәа рҳәон.

"Изныкымкәа исҳәахьан ачемпионат  алагаанӡа афинал аҟынӡа анеира ҳалшароуп ҳәа. Уаанӡа ҳазнеир афинал аҟны иҳақәшәо акоманда усҟак хьаас иҳамамызт. Афинал аҟынӡа анеиразы аџьабаа ду ҳбеит, уи азы иҳалшоз зегьы ҟаҳҵеит. Ҳамчқәеи ҳԥышәеи зегьы ҳхы иархәаны ижәбаз алҵшәа ааҳарԥшит. Ҳара иҳацхрааит аҩнытәи аҭӡамҵқәеи, ахәаԥшцәа рыдгылареи. Ҳара иҳамамызт азин аҵахара", — ҳәа иҳәеит Кәарцхьиа.

Ашьапылампыл акоманда азыҟаҵаҩ хада Џьума Кәарацхьелиа иааидкылан акоманда реилазаара далацәажәеит.

"Акоманда алахәылацәа аӡәырҩы аҳәаанырцәтәи акомандақәа рзы ихәмароит, дара ари ачемпионат ахь ааԥхьара рыҭан. Дмитри Кәартаа, Анри Ҳагәышь, Анри Ҳагба узықәгәыӷша ашьапылампыл асыҩцәоуп, аха дара иахьыхәмаруа аклубқәеи дареи аиқәшаҳаҭра рыбжьоуп. Дара Аԥсныҟа раара — уи макьаназ иарку зҵаароуп", —  ҳәа ациҵеит азыҟаҵаҩ хада.

ConIFA ачемпионат аҿы Аԥснытәи акоманда аиааира агеит - Sputnik Аҧсны
ConIFA ачемпионат аҿы Аԥснытәи акоманда аиааира агеит

Ажурналистцәа еиуеиԥшым азҵаарақәа рҭиуан, акоманда разыҟаҵареи, азыҟаҵаҩ иабжьагажәеи, аиааира ашьҭахь ирымаз ацәаныррақәеи ртәы уҳәа ирацәаны.

"Ашьапылампыл асыҩцәа ахәмаррақәа зегьы рхы–рыԥсы ақәырҵит, рымчқәа ирмеигӡеит. Аиааира шаҳҭахыз зегьы еилыркаауан. Амцхә ацәажәара, аҷкәынцәа рықәыӷәӷәара  аҭахымызт. Иҳацәцаз ампыл уи аӡәгьы  ҳазԥшымызт. Амала, агәра гара ҳаман –аиааира шаҳгоз. Ихьааҳгаз акакәын 11 метратәи ампыл асра, избан акәзар Швеицариа ҳаныҟаз ҳаҵаххьан", — азгәеиҭеит Кәарцхьиа.

ConIFA ашьапылампыл асразы ачемпионат иаҭааны иҟан жәларбажьаратәи ашьапылампыл асраз ахеилак FiFА ахаҭарнакцәа, иҳәеит Руслан Џьынџьал, аԥсуа команда алшара рымоуп FiF алалара.

"Ҳара иаҳҭахуп ашьапылампыл асразы ахеилак FiFА алалара, уаатәи аҩаӡара ҳшьапылампыл асыҩцәа рзы акырӡа ицхыраагӡахон. Уи зегьы азы аамҭа аҭахыуп. Ашьапылампыл асразы афедерациа уи азы иалшо зегьы  ҟанаҵалоит", — иҳәеит Руслан Џьынџьал.

Лаҵарамза 28 инаркны рашәарамза 6-нӡа Аԥсны ConIFA ахылаԥшрала имҩаԥысуан адунеизегьтәи ашьапылампыл асразы ачемпионат. Иааидкыланы ачемпионат мҩаԥысуан аа-мш, 28 хәмарра мҩаԥган. Афинал аҟны Аԥсни Пенџьабтәи акомандақәа акырӡа иԥшӡаз ахәмарра аадырԥшит, аԥсуаа 6:5 ҳәа иаиааит, уи ала Аԥсны еизгоу акоманда ConIFA ачемпионат аҿы аиааира ргеит. 

 

Ажәабжьқәа зегьы
0