ConIFA ачемпионат аҿы Аԥснытәи акоманда аиааира агеит

© Sputnik / Томас ТхайцукConIFA ачемпионат аҿы Аԥснытәи акоманда аиааира агеит
ConIFA ачемпионат аҿы Аԥснытәи акоманда аиааира агеит - Sputnik Аҧсны
Анапаҵаҩра
Аԥсни Пенџьабааи аҵыхәтәантәи реицыхәмарра астадион "Динамо" аҿы имҩаԥысит рашәарамза 5 рзы.

АҞӘА, рашәарамза 5 — Sputnik, Бадраҟ Аҩыӡба. ConIFA адунеизегьтәи ачемпионат аҿы Аԥснытәи акоманда аиааира агеит, Пенџьабаа 6:5 ҳәа ириааит.

Аԥснытәи акоманда афинал ахь инеит ԥшьынтә аиааирақәа ганы, дара рымба мпылкгьы ҭадмыршәит, аха дара 14 мпыл ҭадыршәхьан. Еиҳарак уи зыбзоуроу амбахьчаҩ Алексеи Бондаренко иоуп.

Ари ахәмарра ҳреспубликаҿы даара иазыԥшын, агәра гангьы иҟан Аԥснытәи акоманда афинал ахь ишнеиуаз.

Аԥсны Аҩныҵҟатәи аусқәа рминистр Леонид Ӡаԥшьба амҽыша апресс-конференциа мҩаԥигеит. - Sputnik Аҧсны
Ӡаԥшьба: аспорт ҳазхаҵаразы аԥынгылақәа зегь ириааиуеит

Атурнир ахьынӡамҩаԥысуаз ахәмаррақәа ирыхәаԥшырцаз инеиуан ашьапылампыл уамак бзиа изымбозгьы. Аҵыхәтәантәи ахәмарраан астадион "Динамо" ахь инеит даара ирацәаҩны ажәлар, уи аҟара астадион иакуамызт. Ауаа заа аизара иалагахьан. Ахәмарра иалагаанӡа астадион иахаԥрааит аҵәиԥрыга Аԥсны абираҟ ахашәыршәыруа.

Раԥхьатәи жәаминуҭк раан аԥыжәара рыман аԥсуа шьапылампыласыҩцәа. 17-тәи аминуҭ азы аԥсуаа ампыл ҭадыршәыртә еиԥш аҭагылазаашьа рыман, аха амба иақәымшәеит.

57-тәи аминуҭ азы Пенџьабтәи акоманда ахәмарыҩ Амар Перваль  раԥхьатәи ампыл ҭаиршәит.

Ахәмарра иалгаанӡа х-минуҭк нханы ианыҟаз Руслан Шьониа ампыл ҭаиршәит.

Иаанхаз аамҭазы уаҳа аӡәгьы ампыл ҭаимыршәит, жәеиза метр иҟоу аахақәа ирыбзоураны аԥснытәи акоманда аиааира агеит 6:5 ҳәа.


Ажәабжьқәа зегьы
0