АҞӘА, рашәарамза 8 – Sputnik, Бадраҟ Аҩӡба. Аԥсны Аҳәынҭқарреи Урыстәылатәи афедерациеи рмаҵзура ҷыдақәа еицымҩаԥыргоз ауснагӡатәқәа раан ақырҭуа џьаԥҳаны: аминақәеи, артиллериатә снариадқәеи, агранатаршәга снариади рыԥшааит. Урҭ ишьақәыргыло аԥҟарала иқәган.
Абри атәы аанацҳаит Аԥсны Аҳәынҭқарратә шәарҭадаратә маҵзура. Аԥсны Аҳәынҭқарратә шәарҭадаратә маҵзураҟны ишазгәарҭо ала аџьаԥҳаны ақырҭцәа 2008 шықәса рзы иныжьны ицеит.
"Асеиԥш аџьаԥҳани абџьари иахьагьы ареидқәа рымҩаԥгарааны ирымԥыхьашәоит", рҳәеит Аҳәынҭқарратә шәарҭадаратә маҵзураҟны.
Аԥсны Аҳәынҭқарреи Урыстәылатәи афедерациеи рмаҵзура ҷыдақәа асеиԥш иҟоу ауснагӡатәқәа еицымҩаԥыргоит ҩымз рахь знык.
