Аԥыза-министр: сынтәа ҩ-миллионҩык рҟынӡа атуристцәа ҳарзыԥшуп

© Sputnik Томас ТхайцукАҳәаа. Архивтә фото.
Аҳәаа. Архивтә фото. - Sputnik Аҧсны
Анапаҵаҩра
НовостиTelegram
Аԥыза-министр иазгәеиҭеит иахьазы атуристцәа ишрылшо Шәачантәи Гагранӡа дәыӷбала аара. Уи аушьҭырҭа "Ԥсоу" аусура армариоит.

АҞӘА, рашәарамза 10 — Sputnik. 2016 шықәса рзы Аԥсны аиҳабыра азыԥшуп ҵыԥх иадкыланы аԥсшьаҩцәа рхыԥхьаӡара 30% рыла еиҳахап ҳәа, иҳәеит Аԥыза-министр Артур Амқәаб.

"Ҳара ҳазыԥхьагәаҭарақәа рыла ҵыԥх иадкыланы аԥсшьаҩцәа рхыԥхьаӡара 30% рыла еиҳахап ҳәа ҳазыԥшуп. Ҵыԥх урҭ рхыԥхьаӡара 1,5 миллион рҟынӡа ыҟазар, сынтәа 2 миллионк рҟынӡа инаӡап ҳәа ҳгәыӷуеит", — иҳәеит иара.

Амқәаб иара убасгьы иазгәеиҭеит аҳәаахысра иазыԥҵәоу аамҭа еиҳа еиҵатәхап ҳәа.

Архивтә фото. - Sputnik Аҧсны
Амқәаб: Аԥсны зынӡа даҽа ҭагылазаашьоуп иамоу

"Ҵыԥх дааны дыҟан Урыстәыла атранспорт аминистр Максим Соколов. Ҳалацәажәеит аҳәаа азҵаарагьы. Урҭ ҳаицәажәарақәа ирылҵшәаны имҩаԥгоу ауснагӡатәқәа иахьазы акыр идырмариоит атуристцәа аҳәаа рахысра. Уаанӡа ауаа хәба-фба сааҭ аҳәааҟны агылара рықәшәозар, уажәы сааҭк, сааҭыбжак рҟынӡа еиҵахеит уи аамҭа", — иҳәеит иара.

Аԥыза-министр иазгәеиҭеит иахьазы атуристцәа ишрылшо Шәачантәи Гагранӡа дәыӷбала аара. Уи аушьҭырҭа "Ԥсоу" аусура армариоит.

"Аушьҭырҭатә ҭыԥ "Ԥсоу" иалшоит уахыки-ҽнаки рыла 28-нызқьҩык ауааԥсыреи 2 нызқь транспорттә аки роушьҭра. 2015 шықәса рзы уи ахыԥхьаӡара 60 нызқьҩык рҟынӡа инеиуан. Сынтәа ауаа иҵегьы еиҳахап ҳәа ҳгәыӷуеит. Шәачеи Гагреи ирыбжьалаз адәыӷба 10-12% рҟынӡа уи аус ахахьы иагоит", — иҳәеит Амқәаб.

Атәыла анапхгара ирыгәҭакуп Шәача-Аҟәа апассаџьыртә дәыӷбақәа рыбжьаҵара, аха уи азы аԥаразоужьра ду аҭахуп. Азҵаара макьаназы иӡбам", — иҳәеит Аԥыза-министр.

Ажәабжьқәа зегьы
0