Апроект "Атеатри аԥсҭазаареи" иацылҵоит аурыс драматә театр актриса Симона Спафопуло

Анапаҵаҩра
Yandex newsTelegram
Аинформациатә маҵзура Sputnik Аҧсни Аԥсны акультуреи аҭоурыхтә-культуратә ҭынха ахьчареи рзы рминистрреи еиҿнакааит авидеопроект ҿыц "Атеатри аԥсҭазаареи". Ари апроект иалагӡаны атеатралтә сцена азҟазацәа еиҭарҳәалоит рыԥсҭазаараҿы атеатр иааннакыло аҭыԥи, рзанааҭ иадҳәалоу амаӡақәеи иароа убас бзиа ирбо апиесақәа рҿынтә ацыпҵәахақәа ирыԥхьалоит.

Апроект иацылҵоит Аурыс драматә театр актриса Симона Спафопуло.

"Ашкол аҿы аурокқәа рҿы сзыӡырыҩуамызт, издыруан ишаҭахыз, аха аиаша сҳәозар сара сашьклаԥшуан арҵаҩы аручка шықәылҵаз, дшынаԥшааԥшуаз, дышцәажәоз, нас лара леиԥш схы мҩаԥызгон. Еиҳарак апародиа акәын сызҿыз, сгәы иаанагон аестрадахь сцоит ҳәа. Аха сара еилыскааит аестрада сара сзы ишыҭшәаз, сара ауаа рхыччара сҭахымызт, рыԥсҭазаара дырбара акәын исҭахыз, атеатр убри азы иманшәалоуп", — лҳәеит Спафопуло.

Аинформациатә маҵзура Sputnik Аҧсни Аԥсны акультуреи аҭоурыхтә-культуратә ҭынха ахьчареи рзы рминистрреи еиҿнакааит авидеопроект ҿыц "Атеатри аԥсҭазаареи". Иара хацыркыуп хәажәкыра 27 рзы, ари амш Жәларбжьаратәи атеатр иамшуп азы. Аҧхьаҩ раҧхьаӡа акәны алшара имазаауеит аҳәынҭқарра иреиҳаӡоу атеатрқәа хҧа — Самсон Ҷанба ихьӡ зхыу адраматә театр, Аурыс драматә атеатр, Аҿар ртеатр, рыҧсҭазаара агәылалара, атеатр апроблемақәеи аихьӡарақәеи актиор хадацәа рҟынтә аилкаара.

 


Ажәабжьқәа зегьы
0