Афинансқәа рминистррраҿы аказначеитә усбарҭа аадыртит

© Sputnik / Томас ТхайцукАфинансқәа рминистррраҿы аказначеитә усбарҭа аадыртит.
Афинансқәа рминистррраҿы аказначеитә усбарҭа аадыртит. - Sputnik Аҧсны
Анапаҵаҩра
НовостиTelegram
Аминистрцәа реилазаараҿы рашәарамза 30 рзы иаадыртит афинансқәа рминистрраҿы аказначеитә усбарҭа.

АҞӘА, рашәарамза 30  – Sputnik, Саид Барганџьиа. Афинансқәа рминистрраҿы аказначеитә усбарҭа аадыртит Аԥсны, абри атәы ааицҳаит Sputnik акорреспондент.

Аԥсны аԥыза-министр Артур Амқәаб иазгәеиҭеит, аказначеира аартра атәыла азы ишыхҭыс дуу, Аԥсны азы ари иҿыцу еилазаароуп.

"Аказначеира иҟанаҵо аус афинансқәеи ашәахтәқәеи реиқәыршәараҿы даара ихәарҭоуп", — иҳәеит Амқәаб.

Иара иажәақәа рыла, аказначеира аиҿкаараҿы 80 миллион мааҭ ақәырӡын, аԥара аиҳарак Урыстәылантә ауп ишаашьҭыз.

Урыстәыла Афедералтә казначеира ахада ихаҭыԥуаҩ Станислав Прокофьев иазгәеиҭеит, аказначеира ашьақәыргылара имариам усын, хы-шықәса ирылагӡаны аԥснытәи рколлегацәеи дареи ирылшеит уи аҟаҵара.

"Хы-шықәса раԥхьа ҳазлагаз аус мариамызт, Аԥсны афинанстә система ҳаамҭа иақәшәо иҟалоит, аҳәынҭқарратә ԥара ахьнырхо азакәан иахьынӡақәшәо аилкаара маншәалахоит", — иҳәеит Пракофьев.

Аказначеира аилазаараҿы аҟәшақәа хәба ыҟоуп. Аԥсны ф-раионк рҿы аҟәшақәа ыҟоуп. Иааидкыланы 50-ҩык аусзуҩцәа ыҟоуп, аказначеира ахантәаҩыс дыҟоуп Џьансыхә Нанба.


Ажәабжьқәа зегьы
0