АҞӘА, ԥхынгәы 4 — Sputnik. 15 рҟынӡа ареактивтә система "Градқәа" ааскьагоуп Донбасс ааигәарахь, аидыларатә цәаҳәа иахьаҵанакуахь. Абри атәы иҳәеит Лугансктәи жәлар рреспублика Жәлар рмилициа ахаҭарнак Андреи Марочко.
Аиланхарҭатә ҭыԥ Старобельск ахь инеиит арратә техника аколонна. Иара иалахәуп РСЗО "Градқәа" 15, БМП хәба, автомашьынақәа жәаба.
Иара убасгьы аиланхарҭатә ҭыԥ Макарово ашҟа инеиит аидарамҩангага машьынақәа ԥшьба апантонқәа рыманы.
Марочко игәаанагарала арҭ афактқәа аҽазныкгьы ишьақәдырӷәӷәоит аофициалтә Киев Донбасс аҭагылазаашьа ашьақәҟьара шрыгәҭаку.
2014 шықәса мшаԥымзазы аофициалтә Киев ихацнаркит зхьыԥшымра рылазҳәаз ЛНР-и ДНР-и бџьармцала рырҭынчра. ООН аҵыхәтәантәи адыррақәа рыла абри аамҭала аимак иалаӡыз рхыԥхьаӡара 9,4 нызқьҩык рҟынӡа инаӡоит.
