АҞӘА, ԥхынгәы 4 — Sputnik. Аль-Каррада араион иахьаҵанакуа Багдад ақалақь аҟны атеррористтә акт иахҟьаны иҭахеит 200-ҩык ауаа инареиҳаны. Ахәрақәа роуит 168-ҩык. Абри атәы аанацҳауеит РИА Новости ирактәи агентра INA адыррақәа ҵаҵӷәыс иҟаҵаны.
"Аль-Каррада араион иахьаҵанакуа Багдад ақалақь аҟны атеррористтә акт иахҟьаны 200-ҩык инареиҳаны иҭахеит. Ахәрақәа роуит 168-ҩык", — иҳәеит Багдад апровинциа ахеилак алахәыла Галиб аз-Замли.
Иара иажәақәа рыла макьанагьы иҭахази ихәуи рхыԥхьаӡара ашьақәыргылара мҩаԥысуеит. Атеракт ахахьы иагеит атеррористтә гәыԥ "Исламское Государство".
