Ҳаџьымба Аҩныҵҟатәи аусқәа рминистррахь днеиит

© SputnikҲаџьымба Аҩныҵҟатәи аусқәа рминистррахь днеиит
Ҳаџьымба Аҩныҵҟатәи аусқәа рминистррахь днеиит - Sputnik Аҧсны
Анапаҵаҩра
Аԥсны аоппозициатә мчрақәа реизара мҩаԥысит Аҟәа.

АҞӘА, ԥхынгәы 6 — Sputnik, Бадраҟ Аҩӡба. Аԥсны аоппозициатә мчрақәа ахьеизаз Аҩныҵҟатәи аусқәа рминистррахь днеиит атәыла Ахада Рауль Ҳаџьымба. 

Еизаз дҵаны иқәдыргылоит Аҩныҵҟатәи аусқәа рминистр Леонид Ӡаԥшьба иусурҭа ҭыԥ аанижьырц. Атәыла Ахада иӡбра иазымԥшыкәа урҭ ахыбра иажәлеит.

Аԥсны аоппозициатә мчрақәа реизара мҩаԥысуеит Афилармониа аҿаԥхьа. - Sputnik Аҧсны
Аоппозициа дҵаны иқәдыргылоит ареферендум амҩаԥгара арыцхә анахара

Аҩныҵҟатәи аусқәа рминистрра ахыбрахь инаргеит агәыԥ ҷыда. Урҭ ауаа ахыбра аҩныҵҟа рыҩналара аԥдырҟәҟәаауеит.

Аоппозициаа ррезолиуциаҟны иарбоуп аҳәынҭқарратә телехәаԥшраҿы ажәа аиура, Ауаажәларратә хылаԥшратә хеилак аусура аиҭашьақәыргылара. Уахь аоппозициа алахәылацәагьы алагалатәуп ҳәа арбоуп.

Иара убасгьы дара дҵаны иқәдыргылоит Аҩныҵҟатәи аусқәа рминистр Леонид Ӡаԥшьба имаҵура дамхзарци зыҿҳәара иахыԥахьоу апаспортқәа рыла абжьыҭира азин ҟарҵарци.

Убри инацҵаны дҵаны иқәдыргылоит Урыстәыла аҵакырадгьыл аҿгьы ареферендум амҩаԥгаразы абжьыҭирҭа ҭыԥқәа аартхарц.

Еизаз иазгәарҭеит Леонид Ӡаԥшьба имаҵура аанижьаанӡа ишеимымҵуа.

Ажәабжьқәа зегьы
0