АҞӘА, ԥхынгәы 6 — Sputnik, Бадраҟ Аҩӡба. Аполитикатә партиа "Амцахара" анапхгаҩы Алхас Кәыҵниа еизаз рахь аҳәара ҟаиҵоит аҭагылазаашьа дмыруадаҩырц.
Алхас Кәыҵниа аҳәара ҟаиҵеит атәыла анапхгареи дареи реилацәажәара иаԥырхагамхарц.
Амитинг аҟны еизаз дҵаны иқәдыргылон Аҩныҵҟатәи аусқәа рминистр Леонид Ӡаԥшьба имаҵура дамхзарц. Дара атәыла Ахада идикыло аӡбра иазымԥшыкәа аминистрра ахыбра иажәлоит.
Аҩныҵҟатәи аусқәа рминистрра ахыбрахь инагоуп агәыԥ ҷыда. Урҭ ауаа ахыбра аҩныҵҟа рыҩналара аԥдырҟәҟәаауеит.
Еизаз дҵаны иқәдыргылоит Аҩныҵҟатәи аусқәа рминистр Леонид Ӡаԥшьба имаҵура дамхзарци зыҿҳәара иахыԥахьоу апаспортқәа рыла абжьыҭира азин ҟарҵарци.
Убри инацҵаны дҵаны иқәдыргылоит Урыстәыла аҵакырадгьыл аҿгьы ареферендум амҩаԥгаразы абжьыҭирҭа ҭыԥқәа аартхарц.
