АҞӘА, ԥхынгәы 6 — Sputnik, Бадраҟ Аҩӡба. Аҩныҵҟатәи аусқәа рминистр Леонид Ӡаԥшьба имаҵура ашьҭаҵара дазыхиоуп, аха уи азы аӡбра идикылароуп атәыла Ахада, ҳәа азгәеиҭеит Атәылахьчара аминистр Мираб Кьышьмариа.
"Шәааи, ҳаиԥеиԥшып. Аҭынчра еилашәымгарц аҳәара ҟасҵоит", — иҳәоит Кьышьмариа.
Аоппозициа анапхгареи атәыла анапхгареи рыбжьара абарҭ аамҭақәа рзы аилацәажәара цоит аминистрра ахыбра аҩныҵҟа. Аилацәажәара иаҵанакуеит аминистр инапынҵақәа рааныжьра азҵаара аӡбра.
Амитинг аҟны еизаз дҵаны иқәдыргылон Аҩныҵҟатәи аусқәа рминистр Леонид Ӡаԥшьба имаҵура дамхзарц. Дара атәыла Ахада идикыло аӡбра иазымԥшыкәа аминистрра ахыбра изныкымкәа иҩынтәымкәа иажәлоит.
Аҩныҵҟатәи аусқәа рминистрра ахыбрахь инагоуп агәыԥ ҷыда. Урҭ ауаа ахыбра аҩныҵҟа рыҩналара аԥдырҟәҟәаауеит.
