Амассатә зинеилагарақәа Аԥсны атуристтә усхк ианаҭаз анырра

© Sputnik Томас ТхайцукАрхивтә фото.
Архивтә фото. - Sputnik Аҧсны
Анапаҵаҩра
НовостиTelegram
Аҟәа имҩаԥысуаз амассатә зинеилагарақәа Аԥсны атуристтә усхк иаҭаз анырра атәы еиликаауан ҳкорреспондент Владимир Бегунов.

Владимир Бегунов, Sputnik

Асасааирҭақәеи аԥсшьарҭақәеи рҟны аҭагылазаашьа шеиԥшымгьы ирзеиԥшу атенденциақәа рымоуп.

"Ауаа ргәы ҭынчым. Актәи аканал ала ишьҭыз арепортаж иаршәаз ҟалеит", — иҳәоит асасааирҭа "Интер-Сухум" адиректор хада ихаҭыԥуаҩ Андреи Дубровински.

Иара иажәақәа рыла асасааирҭа анапхгара ирылшо ҟарҵоит аԥсшьаҩцәа рырҭынчразы, ирзеиҭарҳәоит имҩаԥысуа аҩныҵҟаполитикатә еиҿагылара аԥсшьаҩцәа шаҵанамкуа.

"Аиҳарак аҳәса роуп ашәарақәа зызцәырҵуа. Аҳәаа иахьазааигәоу аиасра иаԥсоу иаԥсаму ҳәа иҵаауеит", — иҳәоит адиректор хада ихаҭыԥуаҩ.

"Интер-Сухум" анапхгара ишырҳәаз ала дара рҟынтәи аӡәгьы џьаргьы дымцеит, аха атуроператорцәа рдыррақәа рыла иҟоуп уаанӡа аномерқәа аанызкылахьаз мап шыркыз атәы зҳәо ахҭысқәа.

Татиана, Екатеринбургтәуп. Ҳаицәажәараан аҽеизгара даҿын. "Сара иахьынӡасҭахыз сыԥсы сшьеит. Аҭыԥ змаз ахҭысқәа сыдмыршәеит, насгьы Урыстәылатәи Афедерациа Ацҳаражәҳәарҭа ара ааигәа иҟоуп", лҳәеит лара.

Асасааирҭа ҩны "Калипсо" администраторгьы иазгәеиҭеит дара рҟны зыԥсы зшьо аӡәгьы иаамҭа ааиаанӡа дшымцаз.

Амитинг алахәылацәа аоппозициа адиалог иадрыԥхьалоит - Sputnik Аҧсны
Амитинг алахәылацәа аоппозициа адиалог иадрыԥхьалоит

Аотель "Атриум-Виктория" акәзаргьы проблемак ыҟан иршьом.

"Ҳара ҳҟны еиҳарак иаангыло абизнесуаа роуп. Урҭ рыппланқәа шамахамзар ирыԥсахӡом", — лҳәеит аменеџьер Нонна Кометиани.

Иара убасоуп аԥсшьарҭаҩны "Абхазия" аҟынгьы аҭагылазаашьа шыҟоу.

"Ҳара аҽа проблемоуп иҳамоу. Аԥсшьарҭаҩны аремонт аҭахуижьҭеи акрааҵуеит. Уажәы ишыҟоу ала рацәак аӡәгьы ара аангылара иҭахым", — иҳәеит администратор ҳаниҿцәажәоз.

Апансионат "Аиҭар" аҟны иҟоу аҭагылазаашьа маҷк агәҭынчымра рнаҭоит.

"Иаараны иҟаз рҟынтәи хынҩажәижәаба процент рҟынӡа аара мап ацәыркит", — лҳәоит аменеџьер Сима Чамба.

Москватәи атуристка Ирина лакәзар иҳалҳәеит, лара еиҳа илгәамԥхо аплиаж аҟны ҭынчымҩа лызымҭо аҭыԥантәи арԥарацәа шракәу.

Иахьазы Аԥсны амра кажжы иԥхоит. Ҭынчроуп. Зны-зынла илеиуа ақәа акәзаргьы иучҳартәы иҟоуп. Иара убас иучҳартәы иҟоуп аҭыԥҳацәа ԥшӡақәа зыла хыркуа аҭыԥантәи арԥарацәагьы.

Ажәабжьқәа зегьы
0