АҞӘА, ԥхынгәы 10 – Sputnik, Владимир Бегунов. Ареферендум аҟны асиа ианыз 133 207-ҩык рҟынтәи 1 322-ҩык рыбжьы рҭиит. Процентла иугозар уи иартәоит 0,99%. Абри атәы иҳәеит Аԥсны Ацентртә алхратә комиссиа ахантәаҩы Баҭал Табаӷәуа апресс-конференциаҟны.
Баҭал Табаӷәуа иажәақәа рыла асааҭ 18:00 (мск.) рзы ареферендум амҩаԥгаразы еиҿкааз абжьыҭирҭатә ҭыԥқәа рахь инеииз рхыԥхьаӡара абас ишьақәгылан: Аҟәа араион аҟны, 7 451 —ҩык зыбжьы зҭираны иҟаз асиа иахьаныз абжьыҭирҭатә ҭыԥқәа рахь инеиит 92 —ҩык(1,23%), Гәдоуҭа араион аҟны 24 419-ҩык рҟынтәи 171-ҩык(0,7%), Гагра араион аҟны 368-ҩык 26 747-ҩык рҟынтәи(1,38%), Гәылрыԥшь араион 137-ҩык 12 110-ҩык рҟынтәи (1,13%), Очамчыра араион аҟны– 125 —ҩык 15 712-ҩык рҟынтәи(0,8%), Тҟәарчал араион аҟны – 44-ҩык 6 663-ҩык рҟынтәи(1,13%), Гал араион аҟны – 340-ҩык рҟынтәи фҩык(1,76%).
Аԥсны аус руеит 151 бжьыҭирҭатә ҭыԥ, иҳәеит Ацентртә алхратә комиссиа ахантәаҩы.
Аԥшьгаратә гәыԥ ишьақәнаргылаз ашәҟәқәеи еизнагаз ауааԥсыра рнапынҵақәеи ҵаҵӷәыс иҟаҵаны 2016 шықәса хәажәкырамзазы Ацентртә алхратә комиссиа иадгалан ареферендум амҩаԥгаразы арзаҳал.
Атәыла Ахада идикылаз Адҵала ареферендум мҩаԥысраны ишьақәыргылан ԥхынгәы жәаба.
