Жәымз раԥхьа Гагра аӡы иҿнаӡәӡәаз амҩа аиҭашьақәыргылара иаҿуп

© Sputnik / Саида ЖьиԥҳаГагра аӡы иҿнаӡәӡәаз амҩа аиҭашьақәыргылара иаҿуп
Гагра аӡы иҿнаӡәӡәаз амҩа аиҭашьақәыргылара иаҿуп - Sputnik Аҧсны
Анапаҵаҩра
НовостиTelegram
Азеиԥш мчла аиҭашьақәыргылара иалагеит жәымз раԥхьа Гагра аӡы иҿнаӡәӡәаз амҩа.

ГАГРА, ԥхынгәы 15 — Sputnik, Саида Жьиԥҳа. Гагра ақалақь, Аԥсҳа Леон имҩа, аҩадатәи ахәҭа, иҳаҩсыз ашықәс, жьҭаарамзазы, зыҭӡы еилаҳаз аӡеизгарҭа иахҟьаны ӷәӷәала иҿнаӡәӡәааит. Усҟан, ҷыдала имҩаԥгаз аилатәарақәа рҟны ирҳәон, амҩа шышьақәдыргыло акурорттә сезон алагаанӡа, аха еиуеиԥшым амзызқәа ирхырҟьаны, амҩа аҭагылазаашьа шыуашәшәырыз иахьа уажәраанӡа иаанханы иҟан.

Иҭаԥҽыз амҩа ауадаҩрақәа рызцәырнагон аҭыԥантәи ауааԥсыра реиԥш ақалақь иаҭааз асасцәеи.

Машьынала уи анысра акырӡа ицәгьан. Амҩа амԥан инхоз ауааԥсыра, изныкымкәа азҵаара ықәдыргылон, аремонттә усурақәа анбамҩаԥгахо ҳәа.

Жәымз анҵы, аигәылацәа ирыӡбеит аԥшьгара рхахьы иргарц. Уи аҿы ацхыраара ҟаиҵеит, Гагра араионтә Еизара адепутат Адгәыр Џьниа.

"Ҳара аҳәара раҳҭеит, Аԥсны аԥыза аминистр Артур Амқәаби Гагра араион Ахадара аиҳабы Заур Бганбеи амҩа аиҭашьақәыргыларазы ацхыраара ҳарҭарц. Убас дара иаҳзалырԥшааит абетон. Амҩа аремонт усурақәа ирықәырӡыз ахарџь акәзар, уи агәылацәа рхахьы иргеит", — ҳәа азгәеиҭеит араионтә Еизара адепутат Адгәыр Џьниа.

Абас, атәыла анапхгареи Гагра араион ахадареи Аԥсҳа Леон амҩа аҩадатәи ахәҭа анхацәеи рзеиԥш ус ала, иахьа еиҭашьақәыргылоуп аӡы иҿнаӡәӡәаз амҩа.

Аԥсҳа Леон амҩа иаԥну анхацәа зегьы, иҭабуп ҳәа рарҳәоит, амҩа аремонт азуразы ацхыраара рызҭаз зегьы.

"Аԥсҳа Леон амҩа иаԥну анхацәа зегьы, иҭабуп ҳәа раҳхәоит ҳамҩа аиҭашьақәыргылараҿы ацхыраара ҳазҭаз атәыла анапхгареи араион ахадареи, иара убас ҳабжьы заҳҭаз адепутат Адгәыр Џьниеи", — рҳәоит агәылацәа.

Ишәгәалаҳаршәоит, жьҭаара 31 2015 шықәсазы, Гагра ақалақь агәҭа Аԥсҳа Леон имҩа аҳаракыраҟны зыҭӡы еилаҳаз аӡеизгарҭа аԥхасҭа ду шырнаҭаз 22 ҭаацәара, дара ацхыраара рыҭан араион Ахадараҟнытә.

Ажәабжьқәа зегьы
0