Арӡынба: атуризм ҳекономикаҿы ихадоуп

© Sputnik Бадрак АвидзбаАекономика аминистрра, аекономикатә ҿиараз Ахеилак аусура аҳәаақәа ирҭагӡаны имҩаԥнагеит аилацәажәара.
Аекономика аминистрра, аекономикатә ҿиараз Ахеилак аусура аҳәаақәа ирҭагӡаны имҩаԥнагеит аилацәажәара. - Sputnik Аҧсны
Анапаҵаҩра
НовостиTelegram
Атәыла Ахада инапынҵала Аекономика аминистрра, аекономикатә ҿиараз Ахеилак аусура аҳәаақәа ирҭагӡаны имҩаԥнагеит аилацәажәара, Аԥсны атуризм аҿиара аԥеиԥшқәа апроект аӡыргара иазкны.

АҞӘА, ԥхынгәы 21 – Sputnik, Бадраҟ Аҩӡба. Атәыла Ахада инапынҵала Аекономика аминистрра, аекономикатә ҿиаразы Ахеилак аусура аҳәаақәа ирҭагӡаны имҩаԥнагеит аилацәажәаара, Аԥсны атуризм аҿиара аԥеиԥшқәа апроект аӡыргара иазкны. Атуризм — атәыла аекономикаҿы еиҳа крызҵазкуа хырхарҭоуп, иҳәеит аилатәараҟны Аԥсны Аекономика аминистр Адгәыр Арӡынба.

"Убри азы ҳара раԥхьа иргыланы абри ахырхарҭа аус адулара ҳалагеит. Иахьа адунеи зегьы аҟны атуризм аҿиара амоуп. Аԥсны акәзар араҟа атуризм ҿиарц азы иахәҭаны иҟоу аҭагылазаашьақәа зегь рыла еиқәшәоуп", — иҳәеит иара.

Аекономикатә ҿиаразы Ахеилак аҳәаақәа ирҭагӡаны Москватәи аԥсуа диаспора атуризм аҿиара апроект афинанстә цхыраара арҭоит, иҳәеит Аекономика аминистр.

"Strategi partners groop" аҟынтә иааԥхьаз аекспертцәеи ҳареи акыр аус аауит. Ҳусура актәи ахәҭа иахьа иӡыраагоит. Ҳалацәажәоит атуризм асистемаҟны иҟоу апроблемақәа. Уи адагьы иахьа ҳалацәажәараны ҳаҟоуп аԥшьгарақәа. Аԥшьгарақәа ҳнарықәныҟәаны амҩатә хсаалақәа шьақәҳарӷәӷәоит. Убри азы иахьатәи ҳаиԥыларахь ааԥхьара раҳҭеит аҳәынҭқарратә мчрақәа реиԥш атуристтә бизнес ахаҭарнакцәа, асасааирҭақәеи атурфирмақәеи рыԥшәмацәа", ҳәа азгәеиҭеит аминистр.

Аконсалтингтә еилахәыра "Strategi partners groop" ахаҭарнак Алексеи Праздничных иҳәоит астатистикатә дырраҭарақәа шеизгатәу, еиуеиԥшым аметодқәа ахрархәара шаҭаху ареспубликаҟны атуристцәа иаанрыжьуа аԥара ахәшьара аҭаразы.

"Ҳара ахәшьара аҳҭоит атуризм Аԥсны аекономика иаланагало еиуеиԥшым аметодқәа рхархәарала", — иҳәеит иара.

Аилацәажәара азкын атуризм аусхк азы 2025 шықәсанӡатәи апрограмма аус адулара. Уи апрограммаҟны иазыԥхьагәаҭоуп 2025 шықәса рзынӡа аусхк алагалақәа ԥшьынтә реизырҳара.

Ажәабжьқәа зегьы
0