Аԥснытәи аделегациа Москваҟа ицеит

Анапаҵаҩра
Yandex newsTelegram
Фазиль Искандер иҭаацәа рҭахрала анышә дамадахоит Москва.

АҞӘА, нанҳәа 2 – Sputnik, Бадраҟ Аҩӡба. Аԥснытәи аделегациа Москваҟа ицеит Фазиль Искандер иԥсыжра рҽаладырхәырц, иҳәеит анаукеи, акультуреи, аҵареи рзы атәыла Ахада иабжьгаҩ Владимир Занҭариа.

"Аделегациа напхгара аиҭоит Аԥсны Ахада Рауль Ҳаџьымба. Аделегациа иалахәуп Акультура аминистр Ельвира Арсалиаԥҳа, ААУ аректор Алеко Гәарамиа, Аԥсуа телехәаԥшра акорреспондент", — иҳәеит иара.

Аделегациа амҩа иқәлоит ашәахьа ауха.

Рауль Ҳаџьымба имҩаԥигеит аилацәажәара, Фазиль Искандер ихьӡ анаӡаӡатәразы. Аилацәажәараҟны Ахада иабжьгаҩ Владимир Занҭариа иазгәеиҭеит ашәҟәыҩҩы ихьӡ ақалақь амҩақәа руак ишахҵатәу, ибаҟагьы шықәыргылатәу

Мгәыӡырхәа ақыҭантәи арҿиаҩы иҩны акәзар Фазиль Искандер ихьӡ зху Ацентр ҳәа ашьақәыргылара азыԥхьагәаҭоуп.

Иаԥҵоуп ашәҟәыҩҩы игәалашәара анаӡаӡатәразы аусутә комиссиа.

Аԥсны Ахада Рауль Ҳаџьымба - Sputnik Аҧсны
Рауль Ҳаџьымба Фазиль Искандер иҭаацәа дрыдашшылеит

Фазиль Абдул-иԥа Искандер диит хәажәкыра 6 1929 шықәса рзы, Аҟәа. 1954 шықәса рзы далгеит А.М. Горки ихьӡ зху Алитературатә институт.

Ҩышықәса рышьҭахь дхынҳәуеит Аԥсныҟа, Аҳәынҭшәҟәҭыжьырҭа аԥсуа ҟәша аредакторс.

1956 инаркны иҩымҭақәа ркьыԥхьуан ажурналқәа: "Смена", "Неделя", "Костер", "Сельская молодежь" уҳәа рыҟны. Раԥхьатәи иажәеинраалақәа реизга "Горные тропы" ҭыҵит 1957 шықәса рзы Аҟәа. 1966 шықәса рзы ажурнал "Новый мир" аҟны икьыԥхьын аповест — "Созвездие Козлотура".

Искандер ирҿиамҭақәа ирылукаартә иҟоуп "Сандро из Чегема" (1973-1988, автобиографиатә ҩымҭа).

Искандер иажәабжьқәеи иповестқәеи еиҭагоуп шамахамзар европатәи абызшәақәа зегьы рахь.

Искандер иҩымҭақәа ирылхны иҭыхын абарҭ афильмқәа: "Воры в законе", "Пиры Валтасара, или Ночь со Сталиным", "Маленький гигант большого секса".

Фазиль Искандер ианашьан аорденқәа "За заслуги перед Отечеством" III (1999), II (2004), IV (2009) аҩаӡарақәа, "Ахьӡ-аԥша" аорден I аҩаӡара, Аԥсны (2002).

Ажәабжьқәа зегьы
0