Аметеорологцәа ргәаанагарала ақәаршҩы зыхҟьаз ацәаакыра ахьмаҷу ауп

© Sputnik / Владимир Астапкович / Амедиаҵәахырҭахь аиасраИаха Аҟәа ақалақьи араиони рҟны илеиз ақәаршҩы
Иаха Аҟәа ақалақьи араиони рҟны илеиз ақәаршҩы - Sputnik Аҧсны
Анапаҵаҩра
НовостиTelegram
Леуард Барцыц иажәақәа рыла иаха Аҟәа ақалақьи араиони рҟны илеиз ақәаршҩы ицәааку асубтропикқәа ирҷыдаҟазшьоуп.

АҞӘА, нанҳәа 4 – Sputnik, Владимир Бегунов. Аԥсны агидрометиомаҵзура аиҳабы Леуард Барцыц Sputnik акорреспондент изеиҭеиҳәеит аҟәатәи аԥшаӷьы ҭыԥ-ҭыԥла иасит, ациклон иадҳәалам ҳәа.

Леуард Барцыц ишиҳәаз ала сынтәа аԥхынра илеиз ақәа иахәҭоу анорма еиҵан, ацәаакырагьы азхомызт.

"Иаха илеиз ақәаршҩы асубтропикқәа ирҷыдаҟазшьоуп. Аурҭ акәзар ҭыԥ-ҭыԥла иасит, Гәымсҭа нырцәҟьа иҭынчран. Иара ациклон иадҳәаланы иҟамызт", — иҳәеит иара.

Аметеоролог иажәақәа рыла ақәаршҩы уаҩы иимбац акәны иҟамызт.

Ақәоура ашьҭа-мышьҭақәа - Sputnik Аҧсны
АҶА иалшо зегьы ҟанаҵоит ақәаршҩы ахҟьа-ԥҟьақәа рырҽеиразы

"Ақәаршҩы сааҭки бжаки роуп иахьнеиз. Ишахәҭоу еиԥш арыцқьагақәеи аӡцарҭақәеи аус руазҭгьы ақалақь азы уи шәарҭара ҟанаҵомызт", — иҳәеит Барцыц.

Иара убасгьы иазгәеиҭеит асеиԥш иҟоу ақәаршҩы ааигәа илеип ҳәа ишақәымгәыӷуа.

Нанҳәа хԥа ауха излагаз ақәаршҩы аамҭа кьаҿк ала ақалақь амҩадуқәа ҭнарҭәааит. Мызкы иақәнагоз анормабжа леиит. Аԥсны егьырҭ араионқәа рҟны бааԥсра ҟамлеит. Аҟәа ақалақь аҟны иаԥҵоуп аԥсабаратә рыцҳара аԥырхразы аштаб.

Ажәабжьқәа зегьы
0