АҞӘА, нанҳәа 4 — Sputnik, Рада Ажьиԥҳа. Аамҭа кьаҿк иалагӡаны илеиз ақәаршҩы ӷәӷәа Аҟәа ақалақь аӡы иланаргылеит, иҳәеит Аҭагылазаашьа ҷыдақәа рзы аминистр Лев Кәыҵниа.
"Ақәаршҩы иахҟьаны амҩадуқәа аӡы рнылеит, аҩнқәа аӡы рыҩналеит. Уажәы ҳусуҩцәа атәыла Ахада Иусбарҭа иахьаҵанакуа арыцқьаратә усурақәа ирҿуп. Уажәазы амҩақәа маҷк рхы иақәиҭуп, автотранспорт аныҟәара еиҭашьақәыргылоуп", — иҳәеит Кәыҵниа.
Иара иазгәеиҭеит АҶА аусуҩцәа зехьынџьара аусурақәа шымҩаԥырго.
"Аусутә рацәаӡоуп. Ауааи атехникеи рыцхыраара ҳҭахуп. Ҳамчқәа азхаӡом. Иҳамаз атехника зегьы аусура иаҿуп", — иҳәоит иара.
Последствия стихии в Сухуме
© Инал Тарба
Аминистр иажәақәа рыла аамҭакьаҿк ала мызктәи анормабжа ақәа леиит. Аԥсны егьырҭ араионқәа рҟны машәыр ҟамлеит.
