АҞӘА, нанҳәа 4 – Sputnik, Бадраҟ Аҩӡба. Аԥсны акультура аминистр инапынҵақәа назыгӡо Ельвира Арсалиаԥҳа Sputnik иазеиҭалҳәеит афестиваль апрограмма аԥсахрақәа алагалахом, уаанӡа ишазыԥхьагәаҭаз еиԥш Диоскураа рыԥшаҳәаҟны имҩаԥысуеит ҳәа.
Аиубилеитә фестиваль "Хьыбла Гьерзмааԥҳа шәаалыԥхьоит…" аатит аопера "Медеиа" ала аха илеиз ақәаршҩы иахҟьаны Диоскураа рыԥшаҳәаҟынтәи Адраматә театр ахь ииаган ақәгылара.
Ельвира Арсалиаԥҳа иазгәалҭеит абилеҭқәа аазхәаз рҟынтә жәпаҩык афестиваль аҩбатәи амш абамҩаԥысуеи ҳәа ишҵаауа.
Жәларбжьаратәи афестиваль "Хьыбла Гьерзмааԥҳа шәаалыԥхьоит…" еиҿкаан 2001 шықәса рзы, Аԥсны имҩаԥысуан. 2014 шықәса рзы Москва, К. С. Станиславскии В. И. Немировичи-Данченкои рыхьӡ зху Амузыкатә театр аҟны имҩаԥысит. 2015 шықәса рзы XIV афестиваль Вена, Музикфераин азал аҟны имҩаԥган. 2016 шықәса рзы – Швеицариа, Санкт-Мориц.
Аиубилеитә фестиваль аинформациатә дгылара анаҭоит аинформациатә маҵзура Sputnik Аԥсны.
