Аршба: WADA америкаа рхы иадырхәоит

© Sputnik Томас ТхайцукАԥсны амилаҭтә олимпиатә комитет аиҳабы Валери Аршба
Аԥсны амилаҭтә олимпиатә комитет аиҳабы Валери Аршба - Sputnik Аҧсны
Анапаҵаҩра
Урыстәыла амилаҭтә команда 387-ҩык рҟынтәи 270-ҩык роуп Жәларбжьаратәи аолимпиатә комитет Бразилиа имҩаԥысраны иҟоу Аолимпиатә хәмаррақәа рахь инанашьҭуа.

Рио-де-Жанеиро имҩаԥысраны иҟоу аолимпиада аламҭалазы Аԥсны амилаҭтә олимпиатә комитет аиҳабы Валери Аршба ҳкорреспондент Бадри Есиава дизалацәажәеит адопинг иадҳәалаз ауаҟьан-чаҟьан атәы.

- Аемоциатә ҭагылазаашьа аспортсмен анырра шԥаинаҭои?

— Аспортсмен игәы анҭынчым, адопинг уажәы мамзаргьы 20 шықәса раԥхьа ухы иаурхәеит ҳәа иарҳәо иарымҳәо анизымдыруа, акыр иуадаҩуп. Иара убри аан арҭ ақәыӷәӷәарақәа урыстәылатәи аспортсменцәа рымчқәа ҩбартәуеит, ихԥартәуеит.

- Избан аҵыхәтәантәи аамҭазы МОК Урыстәыла абасеиԥш изақәыӷәӷәо? Апроблема ахы шԥаки?

— Ухәыцҵәҟьар ара ихадоу аспортсменцәа ракәӡам, Урыстәылатәи Афедерациеи атәыла анапхгара рполитикеи роуп. 20 шықәса раԥхьа Урыстәыла еилаҳан иҟан. Амчра рнапаҿы иркын усеиԥш зҭахыз аха нас ажәлари аҳәынҭқарреи ринтересқәа зхатәқәа раасҭа иҳаразкуаз аннеи ауп абасеиԥш ақәыӷәӷәарақәа роуа ианалага

WADA Америка анапаҟны анышәаԥшь еиԥш итиуеит. Иара ахаҭа аӡәгьы игәеиҭаӡом, иароуп зегь гәазҭо, ирхылаԥшуа. Адопинг зхы иазмырхәаӡац аспортсменгьы ухы иаурхәеит ҳәа ахара иднаҵар алшоит. Уажәы уи ус шакәу ккаӡа иаабоит.

Аиҳаракгьы аҵыхәтәантәи аҩымз. Аспортсменцәа аамҭа рымам жәларбжьаратәи аӡбарҭақәа рахь иашшырц, рхы дырқьиарц. Урҭ аспорт ԥсҭазаараны иалырхит. Абра Аԥсынгьы иаабоит аполитикатә ҟазшьа шацу имҩаԥысуа зегьы.

- Иахьынӡасгәалашәо ала адопинг аӡбахә Урыстәыла ҩышықәса раԥхьа ицәырыргеит. Усҟан иҭыҵит анемец документалтә фильм, урыстәылатәи аспортсменцәа зегьы адопинг рхы иадырхәоит ҳәа шьақәзырӷәӷәоз. Шәгәы ишԥаанаго уи ҷыдала иҿаҵазма?

— Абра иазгәаҭатәуп Урыстәыла аформакологиа акыр ишьҭаханы ишыҟоу. Адунеи аҟны аспортсменцәа зегьы ак рхы иадырхәоит, иаҳҳәап иара мельдони акәзаргьы 20-30 шықәса раԥхьагьы рхы иадырхәон. Араҟа дазгәаҭатәуп WADA москватәи аҟәша аиҳабы. Иара иоуп аспортсменцәа еиуеиԥшым апрепаратқәа рыла еиқәзыршәоз. Уи азы иара ашьаус даҵаркын. Ихаҭа Америкаҟа дыбналеит, иаҳәшьа дҭакын.

- Урыстәылатәи аспорт аҟны имҩаԥысуа иара ԥхьаҟатәи аҿиара еиҭанакуама?

— Урыстәыла акәым егьырҭ атәылақәа рҟынгьы. Ари ҳәарада аурок иаҩызаны иҟалеит. Абри аусхк аҟны иахәҭоу ишахәҭоу ишьақәыргылахоит. Насгьы иалдыршәшәарц ирҭаху иреиӷьқәоу роуп. Аиааира зылшо роуп.

Урыстәылатәи аспортсменцәа еснагь аԥыжәара ду рыман. Шәачатәи Аолимпиатә хәмаррақәа раан зегьы ирбеит уи ус шакәыз. Бразилиагьы ус иҟалар ҳәа ишәаноуп зегь заԥшьго.

Ажәабжьқәа зегьы
0