АҞӘА, нанҳәа 5 — Sputnik, Рада Ажьиԥҳа. Аԥыза-министр инапынҵақәа назыгӡо Шамил Аӡынба ахәаша, нанҳәа 5 рзы имҩаԥигеит аԥсабаратә рыцҳара ахҟьақәа раԥыхразы аилатәара.аилатәараҟны Леуард Барцыц иазгәеиҭеит адгьылҵысра ашьҭахь амш абааԥсхара оумашәа иубартә ишыҟам.
"Х-сааҭк рыла 240 миллиметра ақәарҩаш леиит. Мызктәи анорма ҳәа ишьоуп 120 миллиметра. Ақалақь аҟны арыцқьагақәеи аӡцарҭақәеи ишахәҭоу еиԥш аус руазар иҟалаз ҟаломызт", — иҳәеит Барцыц.
Иара убасгьы иазгәеиҭеит аметиостанциа аҟамзаара аусура шаруадаҩуа.
Аилатәара иалахәыз Аԥыза-министр инапынҵақәа назыгӡо ажәадгала ирҭеит атәыла аиҳабыраҟны аԥсабаратә рыцҳарақәа рыхҟьақәа раԥыхразы аштаб аԥҵазарц.
Ахаша ауха Аҟәа илеиз ақәаршҩы иахҟьаны аӡиасқәа жәпакы рыҭрақәа ирҭыҵит, ирацәоуп аӡы зыҩналаз аҩнқәа. Аԥхасҭа рыҭоуп амҩақәа, афымцатә система, аӡеиқәыршәаратә система.
